Zakhariya 14:17 - Siswati 1996 Bible

¹⁷ Nangabe letinye tive temhlaba tingayi eJerusalema kuyawukhonta iNkhosi, Simakadze longuSomandla, tiyawubate imvula.

Zakhariya 14:17 Referencias Cruzadas

Genesisi 10:32

Ngiyo-ke le imindeni yemadvodzana aNowa ngetitukulwane tawo nangetive tawo. Tive tesukela kuwo, emvakwazamcolo, tandza nemhlaba wonkhe.

Genesisi 12:3

Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”

Genesisi 28:14

Titukulwane takho tiyawuba ngangelutfuli lwemhlaba. Uyakwandza nemhlaba wonkhe wenabele enshonalanga, nasemphumalanga, nasenyakatfo, naseningizimu. Tonkhe tive temhlaba tiyawubusiswa ngawe nangetitukulwane takho.

1 Emakhosi 17:1

Elija waseThishbe, labewekutalwa eThishbe kulakaGileyadi, wakhuluma ku-Ahabi watsi: “Ngelibito laSimakadze, Nkulunkulu lophilako wema-Israyeli, lengimkhontako, ngiyakutjela ngitsi kungeke kube khona ematolo ngisho nemvula kuleminyaka lembalwa letako, kuze kusho mine.”

1 Emakhosi 8:35

“Nangabe-ke emazulu avalekile litulu lingani, ngobe sive sakho sonile kuwe, bese siyathandaza sibheke kulendzawo, silivume Libito lakho, siphendvuke esonweni saso, ngobe wena sewusishayile,

2 Tikhronike 6:26

“Nangabe emazulu avalekile litulu lingani, ngobe sive sakho sonile kuwe, bese siyathandaza sibheke kulendzawo, silivume Libito lakho, siphendvuke esonweni saso, ngobe wena sewusishayile,

2 Tikhronike 7:13

“Nangivala emazulu kuze kutsi kubete imvula, nome ngitfume sikhonyane kutsi sitewubhubhisa lelive, nome ngitfumele sifo lesibulalanako emkhatsini wesive sami,

Isaya 18:7

Ngaleso sikhatsi tipho tiyakwetfulwa kuSimakadze longuSomandla, letiphuma esiveni lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula. Letipho tiyawumikiswa entsabeni iSiyoni, indzawo yeLibito laSimakadze longuSomandla.

Isaya 45:23

Ngitifunge mine, umlomo wami ukhulume ngabo bonkhe bucotfo livi lelingeke liphindze liguculwe, litsi: Emadvolo onkhe ayawukhotsama embikwami; tonkhe tilimi tiyawufunga ngami.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Isaya 60:12

Ngobe sive nome umbuso longayiwuhlehla kuwe, uyakufa wona, uyawubhubha uphele.

Jeremiya 10:25

Tfululela lulaka lwakho etikwetive letingakwemukeli wena, etikwetive letingalibiti Libito lakho. Ngobe Jakobe timudle tamshwabudzela, timudle taze tamshwabudzela, tabhubhisa live lakhe lekutalwa.

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Jeremiya 14:3

Bahlonishwa batfumela tisebenti tabo kutsi tiyewubakhelela emanti; tiya etitibeni temanti kodvwa tikhandze kute emanti. Tibuya netimbita tato temanti tingenalutfo, tijabhile futsi tiphelelwe litsemba.

Jeremiya 14:4

Umhlabatsi sewugatukile, ngobe kute imvula eveni: Balimi bayajabha, bambonye buso babo.

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Zakhariya 14:16

Kuyawutsi bonkhe labayawube basele etiveni tonkhe lebetihlasela iJerusalema benyuke iminyaka ngeminyaka kuyawukhonta iNkhosi, Simakadze longuSomandla, nekugubha uMkhosi Wemadlangala.

Zakhariya 14:9

Simakadze uyawuba yinkhosi emhlabeni wonkhe. Ngalelo langa kuyawuba naSimakadze munye, Libito lakhe kube Libito lakhe kuphela.

Dutheronomi 11:17

Ngobe lulaka lwaSimakadze luyawunivutsela, avale emazulu kuze kungabikho mvula lenako, nemhlaba ubete sitselo, nani nibhubhe niphele kulelo live lelihle Simakadze lanipha lona.

YaJakobe 5:17

Elija labengumuntfu afana natsi, wakhuleka ngekuncusa kutsi lingani, langete lana emhlabeni iminyaka lemitsatfu netinyanga letisitfupha.

Sembulo 11:6

Laba banemandla ekuvala litulu kutsi lingani ngesikhatsi sekuphrofetha kwabo. Banemandla etikwemanti kutsi bawagucule abe yingati. Banemandla futsi ekushaya umhlaba ngako konkhe kuhlupheka nome kukangaki, kuye njengekutsandza kwabo.