Zakhariya 14:11 - Siswati 1996 Bible

¹¹ Iyakuhlalwa bantfu; ingeke iphindze ibhujiswe. IJerusalema iyawulamuleleka.

Zakhariya 14:11 Referencias Cruzadas

Isaya 26:1

Ngalelo langa kuyawuhlatjelelwa ingoma kaJuda, letsi: “Sinelidolobha lelicinile; Nkulunkulu usentela insindziso ngetibondza talo netinqaba talo.”

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Isaya 66:22

Simakadze utsi: “Njengobe emazulu lamasha nemhlaba lomusha lengikudalako kuyawuhlala kukhona embikwami, kanjalo libito lakho netitukulwane takho tiyawuhlala tikhona.

Jeremiya 31:40

Sonkhe leso sigodzi lapho kulahlwa khona tidvumbu nemlotsa, nato tonkhe tibebesi kuye emfudlaneni iKhidroni, kuze kuyewufika ekoneni leLisango Lelihhashi ngasemphumalanga, kuyawuba ngcwele kuSimakadze. Lelidolobha lingeke liphindze lizuphunwe nome libhidlitwe.”

Jeremiya 32:37

Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.

Hezekeli 37:26

Ngiyawukwenta sivumelwane sekuthula nabo, siyawuba sivumelwane saphakadze. Ngiyawubahlalisa kahle batinte, ngibente bandze, ngibeke indzawo yami lengcwele emkhatsini wabo phakadze naphakadze.

Joweli 3:17

“Niyawube seniyati-ke kutsi: Mine, Simakadze, Nkulunkulu wenu, ngihlala eSiyoni, intsaba yami lengcwele. IJerusalema iyawuba ngcwele, kute betive labayawuphindze bayihlasele.

Joweli 3:20

Live lakaJuda liyawuhlala lakhelwe bantfu phakadze naphakadze, kanjalo neJerusalema iyawuhlala inebantfu titukulwane ngetitukulwane.

Amose 9:15

Ngiyakuhlanyela ema-Israyeli eveni lawo, angaphindzi futsi asishulwe kulelo live lengiwaphe lona,” usho njalo-ke Simakadze Nkulunkulu wakho.

Zakhariya 12:6

“Ngalelo langa baholi bakaJuda ngiyawubenta bafanane nelibhodo lemlilo encunjini yetigodvo, bafanane nesidlwane lesivutsa emalangabi esitfungweni. Bayawucotfula ngesekudla nangesancele tonkhe tive letibatungeletile, kodvwa iJerusalema iyawusala seloku injalo nje endzaweni yayo.

Zakhariya 2:4

yafike kuyo yatsi: “Gijima uyewutjela lelijaha, utsi: ‘IJerusalema itawuba lidolobha lelite tibondza ngenca yebunyenti bebantfu labahlala kuyo nangenca yemfuyo lenyenti lengekhatsi kwayo.

Zakhariya 8:13

Njengobe beniyintfo yesicalekiso emkhatsini wetive, awu nine bakaJuda nani ma-Israyeli, ngiyakunisindzisa kanjalo-ke, niyawuba sibusiso. Ningesabi, kodvwa cinani emadvolo.”

Zakhariya 8:4

Naku lokushiwo nguSimakadze longuSomandla, utsi: “Emachegu kanye netalukati, bayawuphindze bahlale etitaladini taseJerusalema, nguloyo aneludvondvolo esandleni sakhe ngobe asakhulile.

Zakhariya 8:8

Ngiyawubabuyisa batewuhlala eJerusalema; bayawuba bantfu bami, nami ngibe nguNkulunkulu wabo ngekwetsembeka nangekulunga.”

Numeri 21:3

Simakadze wakulalela waba neluvela ngema-Israyeli, wawanika emaKhenani. Ema-Israyeli abhubhisa onkhe emaKhenani kanye nemadolobha awo; ngako-ke leyo ndzawo yetsiwa libito kwatsiwa yiHoma.

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.

Sembulo 21:4

Uyakwesula tonkhe tinyembeti emehlweni abo, sekuyawubate kufa, nekulila, nekukhala, nebuhlungu, ngobe kwakucala sekwendlulile.”

Sembulo 22:3

Konkhe lokucalekisiwe kuyawubate kulelo khaya. Sihlalo sebukhosi saNkulunkulu neseliWundlu siyawuba kulo. Tinceku takhe tiyawumkhonta.