Zakhariya 13:4 - Siswati 1996 Bible

⁴ “Ngalelo langa ngulowo nalowo mphrofethi uyawuba nemahloni ngembono wakhe. Angeke aphindze ayembatse ingubo yeboya yebuphrofethi kuze atekukhohlisa.

Zakhariya 13:4 Referencias Cruzadas

2 Emakhosi 1:8

Tayiphendvula tatsi: “Bekuyindvodza leyembetse ingubo yeboya, ibophe libhande lesikhumba lapha elukhalweni.” Inkhosi yatsi: “Lowo bekungu-Elija waseThishbe.”

Isaya 20:2

ngaleso sikhatsi Simakadze wakhuluma nga-Isaya, umsa wa-Amose. Wakhuluma kuye, watsi: “Khumula lamasaka emtimbeni wakho, naletincabule lapha etinyaweni takho.” Wakwenta loko Isaya, wahamba asangcunu, angakafaki lutfo nasetinyaweni.

Jeremiya 2:26

“Njengobe lisela lihlazeka nase libanjiwe, kanjalo nendlu yaka-Israyeli ihlazekile, bona, nemakhosi abo, netindvuna tabo, nebaphristi babo kanye nebaphrofethi babo.

Jeremiya 6:15

Kantsi banawo yini emahloni ngemanyala abo labawentako? Cha, bate nalamancane nje emahloni, abakwati ngisho nekukhophota. Ngako batakuwela kulabawile, bayawukwehliselwa phansi nangibajezisa,” kusho Simakadze.

Jeremiya 8:9

Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha?

Matewu 3:4

Johane abegcoka ingubo yeboya belikamela, avunule libhande lesikhumba elukhalweni lwakhe. Kudla kwakhe kwakutintsetse neluju lwetinyosi tesiganga.

Makho 1:6

Johane abembatsa ingubo leyayentiwe ngeboya belikamela atibophe ngelibhande lesikhumba elukhalweni, abedla tintsetse neluju lwetinyosi tesiganga.

KumaHebheru 11:37

Bagcotjwa ngematje, [bavivinywa] bancunywa ngemasaha, babulawa ngenkemba, bazulazula bembetse tikhumba tetimvu netetimbuti, beswela, bahlushwa, baphatfwa kabi.

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”