Zakhariya 12:3 - Siswati 1996 Bible

³ Ngalelo langa, mhlazane tonkhe tive temhlaba tibutsene ndzawonye kutawumelana nayo, iJerusalema ngiyakuyenta ibe lidvwala lelisindzako kuto tonkhe tive. Bonkhe labetama kulisundvuta bayakutilimata bona.

Zakhariya 12:3 Referencias Cruzadas

Isaya 60:12

Ngobe sive nome umbuso longayiwuhlehla kuwe, uyakufa wona, uyawubhubha uphele.

Obadiya 1:18

Umndeni wakaJakobe uyawuba ngumlilo, umndeni wakaJosefa ube lilangabi. Umndeni waka-Esawu uyawuba tibi, bayakuwokhela ngemlilo bawushise uze uphele. Kuyawubate insali emndenini waka-Esawu. Mine, Simakadze, sengishito.”

Mikha 5:15

Ngekutfukutsela kwami lokukhulu ngiyakutenanela etiveni tonkhe letingazange tingilalele.”

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Habakhuki 2:17

Lobudlova lobente kuyo iLebanoni buyawukwehlula, nekubhubhisa kwakho tilwane kuyawukwesabisa. Ngobe ucitse ingati yebantfu, wabhubhisa emave nemadolobha kanye nabo bonkhe labebahlala kuwo.

Zefaniya 3:19

Ngaleso sikhatsi ngiyawubajezisa bonkhe labo lababekucindzetela; labachutako ngiyawubaphephisa, ngibabutse bonkhe labo labebasakatiwe. Ngiyawubadvumisa ngibatisise emhlabeni wonkhe lapho bebahlazeke khona.

Hagayi 2:22

Ngitawuketula tihlalo tebukhosi ngibhidlite emandla emibuso yebetive. Ngitawuketula tincola temphi kanye nebashayeli bato, emahhashi kanye nebagibeli bawo bayawuwela phansi, ngulowo ngenkemba yemnakabo.

Zakhariya 12:11

Ngalelo langa kulila kwaseJerusalema kuyakuba kukhulu, kube njengekulila kwaHadadi Rimoni etsafeni laseMegido.

Zakhariya 12:4

Ngalelo langa onkhe emahhashi ngiyakuwashaya ngeluvalo, bagibeli bawo bona ngibashaye ngekuhlanya,” kusho Simakadze. “Liso lami liyawubasetikwendlu yakaJuda liyeluse, kodvwa onkhe emahhashi ebetive ngiyakuwaphumphutsekisa.

Zakhariya 12:6

“Ngalelo langa baholi bakaJuda ngiyawubenta bafanane nelibhodo lemlilo encunjini yetigodvo, bafanane nesidlwane lesivutsa emalangabi esitfungweni. Bayawucotfula ngesekudla nangesancele tonkhe tive letibatungeletile, kodvwa iJerusalema iyawusala seloku injalo nje endzaweni yayo.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Zakhariya 14:13

Ngalelo langa bantfu bayawushaywa nguSimakadze ngekutfutfumela lokukhulu. Ngulowo nalowo uyawubamba sandla salomunye bahlaselane bodvwana.

Zakhariya 14:6

Ngalelo langa kuyawubate kukhanya, nekucandza, nesitfwatfwa.

Matewu 21:44

Wonkhe lowela etikwalelitje uyawuhlifika, abe ticucu; kantsi leliyakuwela etikwakhe, lelitje liyawumsila, abe ngumcaba.]”

Lukha 20:18

“Wonkhe umuntfu lowela etikwalelitje, uyawuhlifika abe ticucu; kantsi lelitje naliwela etikwemuntfu, liyawumsila abe timvutfu.”

Sembulo 16:14

Bekungimimoya yemadimoni, lanemandla ekwenta tibonakaliso. Beyiphumele kuyawuhlanganisa emakhosi emhlaba wonkhe, iwalungiselela imphi yelilanga lelikhulu laNkulunkulu, Somandla.