Zakhariya 10:5 - Siswati 1996 Bible

⁵ Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Zakhariya 10:5 Referencias Cruzadas

2 Samuweli 22:43

Ngabagaya baba njengelutfuli, baba njengelutfuli lwemhlaba. Ngabagcobagcoba ngagidza etikwabo njengeludzaka lwendlela.

2 Samuweli 22:8

“Umhlaba watfutfumela, watamatama, tisekelo temazulu tatfutfumela, tatamatama, ngobe Somandla abesatfukutsele.

2 Emakhosi 9:33

Jehu wabamemeta watsi: “Khiphani Jezebeli, nimjike phansi!” Ngako bambamba bamkhipha ngelifasitelo, emasaphatelo engati yakhe abhoca lubondza kanye nemahhashi ngesikhatsi asamgcobagcoba ngetinselo tawo.

Tihlabelelo 18:42

Ngabagaya baba njengelutfuli lolupheshulwa ngumoya, ngabasaphata njengeludzaka lwendlela.

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Tihlabelelo 33:16

Kute inkhosi lencoba sitsa ngobe inemabutfo lamanyenti, nesichwaga asincobi ngebunyenti bemandla aso.

Tihlabelelo 44:5

Labaphambene natsi sitawubehlula sibagicite ngawe, labasivukelako sitabapitjita ngelibito lakho.

Tihlabelelo 45:3

Hhawu, chawe lemachawe, bophela inkemba yakho elukhalweni lwakho, uhlome ngenkhatimulo yakho nangebukhosi bakho.

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Isaya 25:10

Emandla aSimakadze ayakuyengama lentsaba, kodvwa Mowabi utawunyatselwa phansi ngetinyawo, njengetibi natigcotjwagcotjwa emcubeni.

Isaya 31:1

Maye kulabo labaya eGibhithe bayewucela khona lusito, labetsembela emahhashini, betsembele nasebunyentini betincola tabo temphi, nasemandleni lamakhulu ebagibeli babo bemahhashi, kodvwa bangabuki kuLongcwele waka-Israyeli, nome-ke bafune lusito kuSimakadze.

Isaya 41:12

Nome sewutiphenyisisa titsa takho, ungeke utitfole. Labo labaphekehla imphi nawe bayawuba lite lelite.

Isaya 41:25

“Ngivuse longasenyakatfo, futsi uyeta lomunye lophuma ngasemphumalanga lobita Libito lami. Unyatsela etikwebabusi kube shangatsi baludzaka nje, kube shangatsi yena ungumbumbi nakanyatsela libumba.

Isaya 8:9

Hlabani inyandzaleyo, nine tive, nitfutfumele! Lalelani, nine nonkhe mave lakhashane. Tilungiseleleni kulwa imphi, nesabe! Tilungiseleleni kulwa imphi, nehlulwe!

Hezekeli 38:15

Uyawuchamuka endzaweni yakho lesenyakatfo lekhashane, wena netive letinyenti letikanye nawe, bonkhe bagibele emahhashi, inyakanyaka yemabutfo, imphi lenemandla kakhulu.

Amose 2:15

Loyingcweti ekudubuleni ngebutjoki angeke akhone kucina, lisotja lelihamba phansi ngetinyawo lingeke libaleke, kanjalo nemgibeli welihhashi angeke akhone kusindzisa imphilo yakhe.

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Mikha 7:10

Titsa tetfu tiyawutsi tingakubona loko tidliwe ngemahloni; tona leto titsa letake taba liphela endlebeni ngekusibuta titsi: “Uphi loSimakadze longuNkulunkulu wenu?” Siyawutibona setehluliwe tapitjitwa phansi, sincane seludzaka lwendlela.

Hagayi 2:22

Ngitawuketula tihlalo tebukhosi ngibhidlite emandla emibuso yebetive. Ngitawuketula tincola temphi kanye nebashayeli bato, emahhashi kanye nebagibeli bawo bayawuwela phansi, ngulowo ngenkemba yemnakabo.

Zakhariya 12:4

Ngalelo langa onkhe emahhashi ngiyakuwashaya ngeluvalo, bagibeli bawo bona ngibashaye ngekuhlanya,” kusho Simakadze. “Liso lami liyawubasetikwendlu yakaJuda liyeluse, kodvwa onkhe emahhashi ebetive ngiyakuwaphumphutsekisa.

Zakhariya 12:8

Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.

Zakhariya 14:13

Ngalelo langa bantfu bayawushaywa nguSimakadze ngekutfutfumela lokukhulu. Ngulowo nalowo uyawubamba sandla salomunye bahlaselane bodvwana.

Zakhariya 14:3

Simakadze uyawuphuma ayekulwa naleto tive, njengobe avama kulwa ngelilanga lemphi.

Zakhariya 9:13

Juda ngiyawumgoba njengobe ngigoba butjoki bami, ngibugcwalise nga-Efrayimu, kutsi abe ngumcibisholo wami. Awu Siyoni, ngiyawukuvusela emadvodzana akho emelane nemadvodzana akho, Grisi, sive sami ngisente inkemba yelichawe.

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Matewu 4:3

Umlingi wase uyefika kuye utsi: “NawuyiNdvodzana yaNkulunkulu, tjela nankha ematje agucuke abe tinkhwa!”

Lukha 24:19

Wabuta watsi: “Tintfo tini?” Baphendvula batsi: “Loko lokwenteke ngaJesu waseNazaretha, labeyindvodza lengumphrofethi lonemandla ngetento nangemavi, embikwaNkulunkulu nebantfu bonkhe,

Imisebenti yebaPhostoli 18:24

Kwefika liJuda e-Efesu, libito lalo kungu-Apolosi, kungelekudzabuka e-Alekzandriya. Belikwati kukhuluma futsi liyati kakhulu imiBhalo.

Imisebenti yebaPhostoli 7:22

Mosi wafundziswa yonkhe inhlakanipho yemaGibhithe, waba lijaha leliyindvodza leyayinemandla ekukhulumeni nasetentweni.

2 kubaseKorinthe 10:4

Tikhali lesilwa ngato akusito telive, kodvwa tikhali taNkulunkulu letinemandla ekubhidlita tinqaba, ticitse tinkhulumo letingenamsebenti.

Dutheronomi 20:1

“Naniya emphini niyawulwa netitsa tenu bese nibona emahhashi ato, netincola tato, nemphi yato iyinkhulu kakhulu kunalena yenu, ningatesabi, ngobe Simakadze Nkulunkulu wenu lowanikhipha eGibhithe uyawuba nani.

2 kuThimothi 4:17

Kodvwa iNkhosi yema nami yangicinisa kuze inshumayelo yami ipheleliselwe ngami, nebetive beve. Ngako-ke ngakhululwa emlonyeni welibhubesi.

2 kuThimothi 4:7

Ngikulwile kulwa lokuhle, sengiyicedzile indzima yami, ngibambelele ekukholweni.

Joshuwa 10:14

Akuzange sekube nelilanga lelinjengalelo langa, lapho Simakadze alalela umuntfu khona. Ngempela Simakadze abesilwela sive sakhe saka-Israyeli!

Joshuwa 10:42

Onkhe lawo makhosi kanye nemave awo Joshuwa wawancoba ngemkhankhaso munye, ngobe Simakadze Nkulunkulu wema-Israyeli abewalwela ema-Israyeli.

Sembulo 19:17

Ngase ngibona ingilosi ime elangeni, yamemeta ngelivi lelikhulu ibita tonkhe tinyoni letindiza emoyeni yatsi: “Butsanani nonkhe nite edzilini lelikhulu laNkulunkulu.

1 Samuweli 16:18

Lenye yetinceku yaphendvula yatsi: “Ngibone indvodzana yaJese waseBhetlehema lenelikhono ekudlaleni ihabhu. Uyindvodza lenesibindzi, futsi uyingwazi. Ukhuluma kahle futsi, ulikhwa, naSimakadze unaye.”