Zakhariya 10:3 - Siswati 1996 Bible

³ Simakadze utsi: “Intfukutselo yami ivutsela belusi, futsi ngitabajezisa baholi; ngobe Simakadze longuSomandla uyawutinakekela timvu takhe, indlu yakaJuda, abente bafanane nelihhashi lelilichalachala emphini.

Zakhariya 10:3 Referencias Cruzadas

Jobe 39:25

Litsi licilongo lingakhala, litsi: ‘Nako-ke!’ Imphi liyiva ngeliphunga isesekhashane, liva netindvuna temphi tidla siga.

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Taga 21:31

Nome bantfu emahhashi abo bangawalungiselela imphi, kodvwa kuncoba kusetandleni taSimakadze.

Ingoma Yetingoma 1:9

Sitsandvwa sami, ngitakufananisa nelihhashi lelisikati leliboshelwe kulenye yetincola taFaro.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 24:21

Ngalelo langa Simakadze uyawujezisa tiphatsimandla tasemazulwini etulu, nemakhosi asemhlabeni phansi.

Jeremiya 10:21

Belusi abanangcondvo, abambuti naSimakadze; ngako abaphumeleli, nayo yonkhe imihlambi yabo isakatekile.

Jeremiya 11:22

ngako-ke naku lokushiwo nguSimakadze longuSomandla, utsi: “Ngitabajezisa. Emajaha abo atawubulawa ngenkemba, emadvodzana nemadvodzakati abo abulawe yindlala.

Jeremiya 25:12

“Kodvwa kuyawutsi kungaphela leminyaka lengema-70, bese ngijezisa inkhosi yaseBhabhulona nesive sayo, nelive lemaBhabhulona, ngenca yelicala labo, bese lelive lawo ngilenta liba lihlane phakadze naphakadze,” kusho Simakadze.

Jeremiya 25:34

Khalani nilile, nine belusi; gicikani elutfulini, nine baholi bemhlambi. Ngobe sikhatsi sekuhlatjwa kwenu sesifikile, niyakuwa niphihlike njengeludziwo loluhle.

Jeremiya 50:6

“Bantfu bami babetimvu letilahlekile, belusi bato batedukisile, batenta tasabalala etulu etintsabeni. Babezulazula etikwetintsaba nemagcuma, baze bayikhohlwa nendzawo yabo, lapho baphumula khona.

Hezekeli 34:11

“ ‘Ngobe naku lokushiwo yiNkhosi Simakadze, itsi: Mine ngekwami ngitatifunela letimvu tami, ngitelusele.

Hezekeli 34:12

Njengemelusi nakeluse umhlambi wetimvu takhe losakatekile, nakanato, kanjalo nami ngiyawutelusela timvu tami. Ngiyawutephula kuto tonkhe tindzawo lapho tisakatelwe khona ngalelo langa lemafu nelebumnyama.

Hezekeli 34:2

“Ndvodzana yemuntfu, phrofetha umelane nebelusi baka-Israyeli; phrofetha ukhulume kubo, utsi: ‘Naku lokushiwo yiNkhosi Simakadze, itsi: Nako kubelusi baka-Israyeli labatinakekela bona kuphela! Belusi akukafaneli yini kutsi banakekele umhlambi?

Danyela 11:32

Ngekuyenga nangemavi ekuwunga inkhosi iyakonakalisa labo labephule sivumelwane, kodvwa noko bantfu labamati kahle Nkulunkulu wabo bayawumelana nayo bacinile.

Zefaniya 1:8

Ngelilanga lemhlatjelo waSimakadze ngiyawujezisa tikhulu, netiphatsimandla, nabo bonkhe labo labembetse tingubo tebetive.

Zefaniya 2:7

Liyawuba lemisalela yendlu yakaJuda, ngulapho-ke lapho bayawutfola khona emadlelo. Kusihlwa bayawulala phansi etindlini tase-Ashkeloni. Simakadze Nkulunkulu wabo uyawubanakekela; uyawubuyisela kubo tinhlanhla tabo.

Zakhariya 11:17

“Maye kumelusi longasiti lutfo, loshiya umhlambi! Shangatsi inkemba ingashaya umkhono wakhe neliso lakhe langesekudla! Shangatsi umkhono wakhe ungashwaphana, neliso lakhe langesekudla livaleke ngci!”

Lukha 1:68

“Ayidvunyiswe iNkhosi, Nkulunkulu wema-Israyeli, ngobe ibahambele bantfu bayo, yabakhulula.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

Ruthe 1:6

Emvakwaloko Nawomi weva kutsi Simakadze ubabusisile bantfu bakubo ngekubapha inala. Ngako-ke wavele watilungiselela kuhamba nalaba bomalukatane bakhe.