Zakhariya 1:2 - Siswati 1996 Bible

² “Simakadze wabatfukutselela kakhulu bokhokho benu.

Zakhariya 1:2 Referencias Cruzadas

2 Emakhosi 22:19

Njengobe inhlitiyo yakho itsintsekile, wase uyatitfoba embikwaSimakadze, nawuva loko lengikukhulumile ngalendzawo kanye nangebantfu bayo, kutsi batawucalekiswa balahlwe njengetibi, nekutsi njengobe uklebhule tingubo takho, wakhala embikwami, sengikuvile, kusho Simakadze.

2 Emakhosi 23:26

Noko nome kunjalo, Simakadze akazange agucuke ekufutsekeni kwentfukutselo yakhe leyavutsela Juda ngenca yako konkhe Manase lakwenta kwamtfukutselisa.

Ezra 9:13

“Loko lokusehlele kungumphumela wetento tetfu letimbi, nelicala letfu lelikhulu, noko, Nkulunkulu wetfu, awukasijezisi njengalokufanele tono tetfu, sewuze wasinika nensali lefana nalena.

Tihlabelelo 60:1

Awu, Nkulunkulu, usiyekelele wasilahla, wenta netivikelo tetfu tabhidlitwa, kwaya njengobe usitfukutselele. Buya utesilulamisa.

Jeremiya 32:23

Beta kulo bafike bangena balidla lelive; kodvwa abazange bakulalele wena nome bawulandzele umtsetfo wakho. Abazange bakwente loko wawubayale ngako kutsi bakwente. Ngako wase wehlisela etikwabo yonkhe lenhlekelele.

Jeremiya 44:6

Ngako-ke, intfukutselo yami leyesabekako yatfululwa; yawavutsela lamadolobha akaJuda kanye netitaladi taseJerusalema, ngatenta taba tindzala letasala tikhala libhungane, njengobe kunjalo nalamuhla.

Sililo 5:7

Bobabemkhulu labona sebafa, tsine sesetfwele licala labo.

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”

Hezekeli 8:18

Ngako-ke ngitawubesukela ngente kubo njengekwentfukutselo yami; ngingeke ngibabuke ngemehlo esihawu, futsi ngeke ngibayekele. Nome bangamemeta badzatimule etindlebeni tami, ngingeke ngibeve.”

Zakhariya 1:15

Bengingakatfukutseli kangaka, kodvwa tive letitibona kutsi tiphephile setengete kulenhlekelele, tangitfukutselisa kakhulu.’

Zakhariya 7:12

Benta tinhlitiyo tabo taba lukhuni njengelitje, bangete bawulalela umtsetfo, bangawalaleli nemavi lakhulunywa nguSimakadze longuSomandla, lawatfumela ngaMoya wakhe ngebaphrofethi bakadzeni. Ngako-ke Simakadze longuSomandla watfukutsela kakhulu.

Zakhariya 8:14

Naku lokushiwo nguSimakadze longuSomandla, utsi: “Njengaloku ngatimisela kwehlisela inhlekelele etikwenu ngingasagucuki ngesikhatsi bangitfukutselisa boyihlo,” kusho Simakadze longuSomandla,

Imisebenti yebaPhostoli 7:52

Ukhona nje yena munye umphrofethi longazange ahlushwe bokhokho benu? Babulala titfunywa taNkulunkulu, letatimemetela ngembili ngekufika kweSisebenti sakhe lesilungile. Manje senimtsengisile nambulala.