Zakhariya 1:17 - Siswati 1996 Bible

¹⁷ “Chubeka umemetele utsi: Naku lokushiwo nguSimakadze Somandla, utsi: ‘Emadolobha ami ayawuphindze aphuphume ngemnotfo, Simakadze aphindze ayidvudvute iSiyoni, akhetse iJerusalema.’ ”

Zakhariya 1:17 Referencias Cruzadas

2 Tikhronike 6:6

Kodvwa nyalo sengikhetse iJerusalema kutsi Libito lami libe lapho, ngakhetsa naDavide kutsi abuse sive sami, ema-Israyeli.’

Nehemiya 11:20

Lawa lamanye ema-Israyeli, nebaphristi babo, nemaLevi babegcwele kuwo onkhe emadolobha akaJuda, ngulowo ahleti endzaweni yeyisemkhulu.

Nehemiya 11:3

Laba-ke baholi betifundza labefika bakha eJerusalema; labanye bekungema-Israyeli, nebaphristi, nemaLevi, netisebenti tasethempelini, nebatukulu betisebenti taSolomoni labebahlala emadolobheni akaJuda, nguloyo atihlalela endzaweni yakakhe emadolobheni lehlukene,

Tihlabelelo 69:35

Ngobe Nkulunkulu uyawuyisindzisa iSiyoni, akhe kabusha emadolobha akaJuda, bayawuhlala kuleyo ndzawo ibe yabo.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Isaya 49:13

Memetani ngenjabulo, mazulu! Tsakasa, nawe mhlaba! Klabalazani nihlabele, nani tintsaba! Ngobe Simakadze uyabadvudvuta bantfu bakhe, futsi uyawuba nesihawu kulabo labadzabukisiwe bakhe.

Isaya 51:12

“Mine, mine ngekwami, nginguye lonidvudvutako. Benibobani-ke nine kutsi ningesaba bantfu lababhubhako, emadvodzana ebantfu, latjani nje,

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Isaya 52:9

Hlokomani ngetingoma tekujabula kanyekanye, nine tindzala taseJerusalema, ngobe Simakadze ubadvudvutile bantfu bakhe, iJerusalema uyikhululile.

Isaya 54:8

Ngemfutfo wentfukutselo yami ngakufihlela buso bami kwesikhashana, kodvwa ngemusa waphakadze ngiyawuba nesihawu kuwe,” kusho Simakadze uMhlengi wakho.

Isaya 66:13

Njengemfati nakadvudvuta umntfwanakhe, nami ngiyawunidvudvuta kanjalo, nginidvudvutele eJerusalema.”

Jeremiya 31:13

Tintfombi tiyawugidza tijabule, kanjalo futsi nemajaha nalabadzala. Ngiyawugucula kulila kwabo kube kujabula, ngibanike indvudvuto nekujabula esikhundleni selusizi.

Jeremiya 33:13

Emadolobheni elive letintsaba, newasemahlandzeni ngasenshonalanga neNegevu, newaseveni lakaBhenjamini, nasemitini letungelete iJerusalema, nasemadolobheni akaJuda imihlambi yetimvu neyetimbuti iyawuphindze yendlule ngaphansi kwesandla salowo lotibalako,’ kusho Simakadze.

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Hezekeli 36:33

“ ‘Naku lokushiwo yiNkhosi Simakadze, itsi: Mzukwana nginihlanta kuto tonkhe tono tenu, ngiyakuwatintisa kabusha emadolobha enu, netindzawo tenu lebetibhidlitiwe tiyakwakhiwa kabusha.

Amose 9:14

Ngiyawusilandza sibuye sive sami ema-Israyeli lebesitfunjiwe, siyakuwakha kabusha emadolobha aso langemadzibikelo, bese sihlala kuwo. Siyawuhlanyela tivini, sinatse liwayini lato; siyawukwakha tingadze, sidle titselo tato.

Obadiya 1:20

Lama-Israyeli ladzingisiwe, laseKhenani, ayawulidla lelo live, lize liyekuma ngeSarefathi. Labadzingisiwe bekusuka eJerusalema, labaseSefaradi kwanyalo, bayakuwadla emadolobha aseNegevu.

Zakhariya 1:14

Lengilosi leyayikhuluma kimi, yatsi: “Memetela lelivi, utsi: Naku lokushiwo nguSimakadze longuSomandla, utsi: ‘Nginenshisekelo lenkhulu ngeJerusalema neSiyoni.

Zakhariya 1:18

Ngase ngiphakamisa emehlo ami ngabuka, ngabona embikwami kunetimphondvo letine.

Zakhariya 2:12

Simakadze uyakudla lifa lelinguJuda libe sabelo sakhe eveni lelingcwele, aphindze akhetse iJerusalema.

Zakhariya 2:4

yafike kuyo yatsi: “Gijima uyewutjela lelijaha, utsi: ‘IJerusalema itawuba lidolobha lelite tibondza ngenca yebunyenti bebantfu labahlala kuyo nangenca yemfuyo lenyenti lengekhatsi kwayo.

Zakhariya 3:2

Simakadze wakhuluma kuSathane, watsi: “Simakadze uyakwekhuta wena Sathane! Simakadze, lokhetse iJerusalema, uyakukwekhuta! Lendvodza ayisiso sikhuni lesivutsako yini lesephulwe emlilweni?”

Kubase-Efesu 1:4

Kwatsi nemhlaba ungakasekelwa, Nkulunkulu wasikhetsa ngaKhristu, kuze sibe ngcwele, singabi nasici emehlweni akhe. Njengobe asitsandza,