YaJuda 1:8 - Siswati 1996 Bible

⁸ Benta njalo-ke nalabantfu; banemibono emaphusheni abo lebenta bahlazise imitimba yabo. Abafuni nekuyalwa yiNkhosi. Bayawedzelela emandla aNkulunkulu, betfuka netidalwa tangetulu tenkhatimulo.

YaJuda 1:8 Referencias Cruzadas

Genesisi 3:5

Kepha Nkulunkulu uyati kutsi mhlazana nisidla, emehlo enu ayawuvuleka, bese nifanana naNkulunkulu nikwati lokuhle nalokubi.”

Eksodusi 22:28

“Ungakhulumi kabi ngaNkulunkulu, ungamcalekisi umholi wesive sakho.

Taga 30:11

Labanye bantfu bacalekisa boyise, bangabongi ngisho nekubonga kubonina.

Taga 30:17

Liso leliphukuta uyise, ledzelele nenina nasagugile, liyawukhokhwa ngemahhwabayi; yebo, lowo muntfu uyawuba kudla kwemangce.

Umshumayeli 10:20

Ungakhulumi kabi ngenkhosi, ngisho nangekucabanga kwakho, nangalonjingile ekamelweni lakho, ngobe inyoni yemoya ingahle iwetfwale emavi akho, nesitfunywa lesinemaphiko singahle sisho kutsi utsiteni.

Numeri 16:3

Babutsana ndzawonye bahlasela boMosi na-Aroni, batsi kubo: “Senihambe kakhulu! Sonkhe lesive singcwele, bonkhe ngamunye ngamunye wabo, futsi naNkulunkulu unabo. Nine-ke nitiphakamiselani etikwalesive saSimakadze?”

Lukha 11:25

Ngako-ke uyancandzeka ukhandze lendlu ishanyelwe, ikhanya, ihlobile, konkhe kubekwe ngabolonina.

Lukha 12:11

“Nabaniletsa kutenigweba emasinagogeni, nome embikwebabusi nemakhosi, ningakhatsateki ngekutsi niyawutsini nitiphendvulele njani.

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

Imisebenti yebaPhostoli 23:5

Pawula wase utsi: “Bengingati, bazalwane, kutsi ungumPhristi Lomkhulu, ngobe umBhalo utsi: ‘Ungakhulumi kabi ngalophetse sive sakini.’ ”

Imisebenti yebaPhostoli 7:27

Kodvwa lona abeshaya lomunye wakhweshisa Mosi watsi: ‘Ngubani losakwente waba ngumbusi nemehluleli etikwetfu wena?

Imisebenti yebaPhostoli 7:39

“Kodvwa bokhokho betfu bala kumlalela; bamkhweshisela eceleni bafisa shangatsi ngabe babuyela emuva eGibhithe.

1 kubaseKorinthe 3:17

Nangabe umuntfu abhidlita lithempeli laNkulunkulu, Nkulunkulu, uyakumbhidlita naye. Ngobe lithempeli laNkulunkulu lingcwele, nine-ke ningilo lelithempeli.

1 kubaseThesalonika 4:8

Ngako-ke lomelana naloku, akamelani namuntfu, kodvwa umelene naNkulunkulu lonipha Moya wakhe Longcwele.

1 kuThimothi 1:10

wabekelwa netingwadla, netiphingi, nalabadvuna labalalanako, nebatfumbi bebantfu, nalabacala emanga, nabofakazi bemanga, nalabenta nome ngabe yini lephambene nemfundziso lengiyo.

KumaHebheru 13:17

Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.

1 yaPhetro 2:17

Hloniphani bonkhe bantfu, nitsandze bazalwane, nesabe Nkulunkulu, nihloniphe uMbusi.