YaJuda 1:6 - Siswati 1996 Bible

⁶ Nikhumbule phela kutsi netingilosi letingabugcinanga bukhosi bato ngekushiya likhaya lato, watigcina ebumnyameni tiboshwe ngetinketane letingasoze tikhunyulwe. Letingilosi timele lilanga lelikhulu lekwehlulelwa.

YaJuda 1:6 Referencias Cruzadas

Matewu 10:15

Ngicinisile, ngitsi kini: Kuyawuba ncono eveni laseSodoma nelaseGomora ngelilanga lekwehlulela kunakulowo muti.”

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

Matewu 8:29

Bamemeta batsi: “Sinamsebenti muni nawe, Ndvodzana yaNkulunkulu, sewutele kutesivisa buhlungu yini sikhatsi sisengakefiki?”

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

Kubase-Efesu 6:12

Ngobe asilwi nebantfu, kodvwa silwa netikhulu temimoya, nemandla, nebabusi bendalo yalobumnyama, nemabutfo abomoya lababi labasemkhatsini.

KumaHebheru 10:27

kodvwa sekusele kutsi ngekwesaba lokukhulu silindzele kwehlulelwa nemlilo loshisa ngelulaka loyawucedza emaphikankhani.

2 yaPhetro 2:4

Nkulunkulu akazange atiyekele tingilosi letona, kodvwa watilahla kalasha emigodzini yebumnyama bebumnyama, kutsi titewugcinelwa kwehlulelwa.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,

YaJuda 1:13

Bantfu labanjena banjengemagagasi elwandle, bakhephuta emahlazo abo; batinkhanyeti leteduka lese tagcinelwa bumnyama bebumnyama baphakadze.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.

Sembulo 20:2

Yabamba nyokangwenya, inyoka lendzala, lekutsiwa nguMhlebi nome nguSathane; yambopha ngeluketane iminyaka leyinkhulungwane.