YaJuda 1:19 - Siswati 1996 Bible

¹⁹ Badala kwehlukana, ngobe babuswa tinkhanuko tabo temvelo, abanaye Moya Longcwele.

YaJuda 1:19 Referencias Cruzadas

Taga 18:1

Umuntfu longakhoni kutihlanganisa nalabanye utatisa yena; uyatfukutsela nakayalwa.

Isaya 65:5

bese batsi: ‘Suka, ungasondzeli kimi, ngobe ngingcwele kakhulu kunawe!’ Bantfu labanjalo bayintfutfu emakhaleni ami, umlilo lohlala uvutsa lilanga lonkhe.

Hezekeli 14:7

“ ‘Nangabe nome ngumuphi um-Israyeli nome wetive lohlala ka-Israyeli lowehlukana nami afake tithico enhlitiyweni yakhe, emise litje lelibi lelisikhubekiso embikwakhe, bese uya kumphrofethi ayewubuta ngami, mine Simakadze ngiyakumphendvula mine cobo lwami.

Hoseya 4:14

“Ngingeke ngiwajezise emadvodzakati enu nase angenela bugwadla, nabomalukatane benu ngingeke ngibajezise nase baphinga, ngobe ngiwo lamadvodza, ngisho labaphristi cobo lwabo, labesukelana naletingwababane, bente umhlatjelo netingwababane tasethempelini. Sive lesingenakucondza siyawubhubha!

Hoseya 9:10

“Ngesikhatsi nangitfola Israyeli, bekungatsi ngitfola emagelebisi elugwadvule; ngesikhatsi ngibona boyihlo, bekungatsi ngibona titselo tekucala esihlahleni semakhiwa. Kodvwa kwatsi nabefika eBhali Pheyori, batehlukanisela leso sithico lesilihlazo, nabo baze benyanyeka njengalentfo bebayitsandza.

KubaseRoma 8:9

Kepha nine anibuswa yinyama, kodvwa nibuswa nguMoya, nangabe phela Moya waNkulunkulu ahlala kini. Umuntfu longenaye Moya waKhristu, akasiye waKhristu.

1 kubaseKorinthe 2:14

Umuntfu wemvelo akakwemukeli lokukwaMoya, ngobe kubulima kuye, futsi angeke akuve, ngobe kuphenyisiswa ngaMoya.

1 kubaseKorinthe 6:19

Anati yini kutsi umtimba wenu ulithempeli laMoya Longcwele lohlala kini, lenamemukela kuNkulunkulu, nekutsi futsi anisibo benu? Nine nibaNkulunkulu,

KumaHebheru 10:25

Singakuyekeli kuhlangana ndzawonye, njengobe labanye sebanemkhuba wekungahlangani; kodvwa asikhutsatane kakhulu, njengobe nani niyabona kutsi lilanga selisondzele.

YaJakobe 3:15

Lokuhlakanipha akuchamuki ngetulu, kodvwa ngekwemhlaba, nekwemvelo, nekwebusathane;