YaJakobe 5:7 - Siswati 1996 Bible

⁷ Ngako-ke, bazalwane, beketelani kuze kufike iNkhosi. Ase nibuke umlimi lolindzela sitselo semhlaba lesiligugu; usibeketelela size sitfole imvula yekucala neyekugcina.

YaJakobe 5:7 Referencias Cruzadas

Jeremiya 5:24

Abatekhuti bona batsi: ‘Asesabe Simakadze Nkulunkulu wetfu, lowehlisa timvula tasekwindla netasentfwasahlobo, ngesikhatsi lesifanele; losinika siciniseko ngekutsi sikhatsi sekuvuna sitawufika.’

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Joweli 2:23

Jabulani, nine sive saseSiyoni, tfokotani kuSimakadze Nkulunkulu wenu, ngobe sewuniphe umfundzisi wekulunga. Unitfumela imvula lenyenti, imvula yasekwindla neyasentfwasahlobo njengakucala.

Zakhariya 10:1

Celani imvula kuSimakadze nakungusentfwasahlobo; nguSimakadze lowenta emafu lanemvula, nguye lowehlisela tihlambi temvula kubantfwana bebantfu, aphe netitselo tesiganga kubo bonkhe bantfu.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Matewu 16:28

Ngicinisile, ngitsi kini: Kukhona labanye la emkhatsini wenu labangeyikuva kufa, badzimate bayibone iNdvodzana yeMuntfu ita embusweni wayo.”

Matewu 24:27

Ngobe iNdvodzana yeMuntfu iyawufika njengembane umanyata esibhakabhakeni kusukela emphumalanga kuye enshonalanga.

Matewu 24:44

“Ngako-ke nani hlalani nilindzele, ngobe iNdvodzana yeMuntfu iyawufika ngesikhatsi leningakasibheki.”

Lukha 18:8

Nginitjela kutsi uyawubevela ngekushesha. Kodvwa ingabe iNdvodzana yeMuntfu nayibuyako iyawukukhandza kukhona yini kukholwa emhlabeni?”

Lukha 21:27

Kusenjalo iNdvodzana yeMuntfu iyawubonakala, ita ngelifu ngemandla lamakhulu neludvumo.

Lukha 8:15

Kuhlanyelwa kwaleyo leyawela emhlabatsini lovundzile kufanekisa labo labalivako livi laNkulunkulu baligcine ngekutitfoba lokukhulu babeketele, baze batsele titselo letihle.”

Johane 21:22

Jesu wamphendvula watsi: “Nangifuna kutsi aphile, ngidzimate ngibuye, kukuhlupha ngani wena loko? Wena landzela mine!”

Johane 21:23

Ngako kwabe sekwandza inkhulumo emkhatsini webafundzi baJesu kutsi lomfundzi angeke afe. Kodvwa Jesu abengazange asasho kutsi lomfundzi angeke afe; watsi: “Nangifuna kutsi aphile, ngidzimate ngibuye, kukuhlupha ngani wena loko?”

KubaseRoma 15:4

Konkhe kwasendvulo lokusemBhalweni kwabhalelwa kufundzisa tsine, kuze sibe nelitsemba lelingumphumela wekubeketela newekucinisela lesikutfola kulowo mBhalo.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

1 kubaseKorinthe 1:7

khona ningetiwusilalelwa nangusinye sipho semusa ngesikhatsi nisemele kubonakaliswa kweNkhosi yetfu Jesu Khristu.

KubaseGalathiya 5:5

Tsine-ke sinelitsemba kutsi sitakwemukeleka kuNkulunkulu kutsi silungile, loko sikulindzele ngemandla aMoya Longcwele losebenta ngekukholwa.

KubaseGalathiya 6:9

Asingadzinwa kwenta lokuhle; ngobe nasingadzinwa, siyawuvuna ngesikhatsi lesifanele.

Dutheronomi 11:14

uyawunipha imvula eveni lenu ngesikhatsi sayo, imvula yekucala neyekugcina, kuze nibutse kahle kudla kwenu, neliwayini lenu, kanye nemafutsa enu.

KubaseKholose 1:11

Sinincusela kutsi Nkulunkulu anicinise ngemandla ebukhosi bakhe, kuze kutsi nome sekuvelani kodvwa nine nisime, nime, nibeketele ngekujabula,

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

1 kubaseThesalonika 2:19

Empeleni liyini litsemba letfu, nome injabulo, nome umchele wemsebenti wetfu lesingatibonga ngawo embikweNkhosi yetfu Jesu ekubuyeni kwayo? Akusini yini?

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

KumaHebheru 6:15

Abrahama wabeketela, ngako wemukela setsembiso.

YaJakobe 4:11

Bazalwane, ningahlebani. Lowo lohleba umzalwane nome ehlulele umzalwane wakhe, uhleba umtsetfo ehlulele umtsetfo. Nangabe wehlulela umtsetfo, awusiye umenti wemtsetfo, kodvwa ungumehluleli wawo.

YaJakobe 5:10

Bazalwane, tsatsani sibonelo sekuhlupheka nekubeketela kwebaphrofethi labebakhuluma egameni leNkhosi.

YaJakobe 5:3

Igolide nesiliva yenu sekuyatfomba, nalokutfomba kwako kutawunilahla ngelicala kudle imitimba yenu njengemlilo. Nisacongelela ingcebo nakulamalanga ekugcina.

2 yaPhetro 3:4

batsi: “Uphi-ke loJesu lowanetsembisa kutsi uyabuya? Ngobe seloku kwalala bobabemkhulu, tonkhe tintfo tihamba njengobe tatinjalo kusukela ekucaleni kwendalo.”