YaJakobe 5:13 - Siswati 1996 Bible

¹³ Ukhona yini lohluphekako emkhatsini wenu? Akathandaze. Ukhona yini lojabulile? Akadvumise ngekuhlabela.

YaJakobe 5:13 Referencias Cruzadas

1 Tikhronike 16:9

Hlabelani kuye, nimdvumise, nibalise ngetimangaliso takhe tonkhe.

Jobe 33:26

Uyathandaza kuNkulunkulu atfole umusa kuye; ubona buso baNkulunkulu ajabule aze amemete. Nkulunkulu umbuyisela esimeni sakhe sekulunga.

Tihlabelelo 105:2

Hlabelani kuye, nimdvumise, nibalise ngetimangaliso takhe tonkhe.

Tihlabelelo 118:5

Ngakhala kuSimakadze ngiselusizini lwami, yena wangiphendvula ngekungikhulula.

Tihlabelelo 18:6

Ngakhala kuSimakadze ngisekudzangaleni kwami, ngacela lusito kuNkulunkulu wami. Waliva livi lami asendlini yakhe, kuncusa kwami, nekukhala kwami, nekuthandaza kwami kwangena etindlebeni takhe.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Tihlabelelo 95:2

Asiye kuye ngekuhlabela, simbonge ngetibongo nangetingoma.

Isaya 65:14

Tinceku tami tiyawuhlabela ngenca yekujabula lokuphuma etinhlitiyweni tato; kodvwa nine niyawukhala ngenca yekudzabuka kwetinhlitiyo, nilile ngenca yekudzabuka kwemoya.

Danyela 5:4

Batsi basanatsa liwayini, babe badvumisa bonkulunkulu begolide, nebesiliva, nebelitfusi, nebensimbi, nebetigodvo, nebematje.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Jona 2:2

“Ekuhluphekeni kwami ngakhala kuwe, Simakadze, wangiphendvula; ngamemeta ngisematfunjini emhlaba, ngicela lusito, wena waliva livi lami.

Jona 2:7

Ngesikhatsi umphefumulo wami uphelelwa ngemandla ngakukhumbula wena, Simakadze. Umthandazo wami wafinyelela kuwe, ethempelini lakho lelingcwele.

Mikha 4:5

Tonkhe tive tikhonta tihloniphe bonkulunkulu bato, kodvwa tsine siyawukhonta Simakadze Nkulunkulu wetfu phakadze naphakadze.

Matewu 26:30

Batsi sebacedze kuhlabela liculo lekubonga, baphuma baya eNtsabeni Yemincumo.

Lukha 22:44

Inhlitiyo yakhe yayilusizi; wathandaza ngekuciniseka lokukhulu, titfukutfuku takhe taze taba njengematfonsi engati, atfontsela phansi.

Lukha 23:42

Wase utsi kuJesu: “Ungikhumbule, Jesu, nase ufikile ebukhosini bakho.”

1 kubaseKorinthe 14:15

Pho, ngitakwenta njani? Ngitawukhuleka ngemoya nangengcondvo, ngihlabele ngekudvumisa ngemoya nangengcondvo.

1 kubaseKorinthe 14:26

Ngako-ke, bazalwane, nanibutsanele kukhonta, nibonikana ematfuba: Lomunye akacale liculo, lomunye afundzise, lomunye etfule sembulo, lomunye akhulume ngetilimi, lomunye atihumushe. Konkhe kwenteleni kutsi kwakheke libandla.

Kubase-Efesu 5:19

Niphendvulane ngemahubo, nangemaculo, nangetingoma takaMoya; nihlabele nidvumise iNkhosi ngenhlitiyo yenu yonkhe.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

YaJakobe 5:10

Bazalwane, tsatsani sibonelo sekuhlupheka nekubeketela kwebaphrofethi labebakhuluma egameni leNkhosi.

Sembulo 14:3

Labantfu lababenelibito leliWundlu neleYise emabuntini abo, basukuma bahlabela ingoma lensha embikwesihlalo sebukhosi, nasembikwetidalwa letine, nasembikwemalunga. Kute lomunye labengahle abe nemandla ekufundza lengoma, ngaphandle kwabo kuphela lababehlengiwe emhlabeni lababeti-144 000.

Sembulo 7:10

Sakhala ngelivi lelikhulu satsi: “Insindziso yaNkulunkulu wetfu, lohleti esihlalweni sebukhosi, neyeliWundlu.”