YaJakobe 5:1 - Siswati 1996 Bible

¹ Nine-ke tinjinga, lalelani emavi ami. Khalani, nilile ngenca yetinhlupheko letitawunehlela.

YaJakobe 5:1 Referencias Cruzadas

Tihlabelelo 17:14

Simakadze, ngephule ngesandla sakho etandleni talabagungubele ngetintfo talomhlaba. Bajezise ngekuhlupheka lobabekele kona. Shangatsi kungenela bona kanye nebantfwababo, kwendlulele nakubatukulu bebatukulu babo.

Taga 11:28

Umuntfu loncike ebunjingeni bakhe utakuwa; kodvwa lolungile uyawuhluma njengemacembe laluhlata.

Taga 11:4

Ingcebo ingeke isite lutfo ngelilanga lentfukutselo; kodvwa kutiphatsa kahle kusindzisa umuntfu ekufeni.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 15:3

Etitaladini bembetse emasaka, bakhala etikwetindlu, bakhale nasetinkhundleni, etihlatsini tabo kugeleta tinyembeti.

Jeremiya 4:8

Ngako yembatsani emasaka, khalani, nilile, ngobe intfukutselo leyesabekako yaSimakadze ayikesuki kitsi.

Jeremiya 9:23

Naku lokushiwo nguSimakadze, utsi: “Lohlakaniphile akangatigabatisi ngekuhlakanipha kwakhe, kanjalo nemuntfu lonemandla akangatigabatisi ngemandla akhe, kanjalo futsi nemuntfu lonjingile angatigabatisi ngebunjinga bakhe.

Hezekeli 19:2

“ ‘Maye, unyoko abelibhubesikati emkhatsini walamanye emabhubesi! Abelala phansi emkhatsini wemabhubesi lamancane, afuye emagomodlwane akhe.

Hezekeli 30:2

“Ndvodzana yemuntfu, phrofetha, utsi: ‘Naku lokushiwo yiNkhosi Simakadze, itsi: “ ‘Lilani nitsi: “Maye ngalelo langa!”

Joweli 1:11

Jabhani, nine balimi, lilani, nine lenilima tivini. Dzabukelani kolo kanye nebhali, ngobe sivuno sensimi sibhujisiwe.

Joweli 1:13

Yembatsani emasaka, nine baphristi, nilile. Khalani, nine lenikhonta elatini. Wotani nitekwembatsa emasaka busuku bonkhe, nine lenikhonta embikwaNkulunkulu wami, ngobe umnikelo walokutinhlavu kanye nemnikelo wetinatfo sebakugodlile, akuseti endlini yaNkulunkulu wenu.

Joweli 1:5

Phaphamani, nine tidzakwa, nikhale! Lilani nonkhe nine banatsi beliwayini, lilani ngenca yaleliwayini lelisha, ngobe selisusiwe emilonyeni yenu.

Mikha 6:12

“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.

Zefaniya 1:18

Isiliva yabo negolide yabo kungeke kubasindzise ngelilanga lelulaka lwaSimakadze. Emlilweni wesikhwele sakhe umhlaba wonkhe uyawushiswa, ngobe uyakwenta siphetfo lesisheshisako sabo bonkhe labahlala emhlabeni.

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

YaJakobe 1:11

Lilanga liphuma libalele libunise tjani, imbali yabo iyahhohloka, nebuhle bayo bunyamalale; kanjalo-ke nesicebi siyawunyamalala ekushiphanekeni kwaso.

YaJakobe 2:6

Kepha nine nimdvumatile lona lophuyile. Akusibo labacebile yini labanicindzetelako? Akusibo yini labo labanimangalela etinkantolo?

YaJakobe 4:13

Labanye benu banemkhuba wekutsi: “Lamuhla nakusasa sitakuya kulela dolobha, sihlale umnyaka, sitsenge sitsengise, bese sitfola inzuzo.”

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.