YaJakobe 3:2 - Siswati 1996 Bible

² Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.

YaJakobe 3:2 Referencias Cruzadas

1 Emakhosi 8:46

“Nangabe bona kuwe, ngobe kute longoni, wena bese uyabatfukutselela, ubanikele etitseni tabo letiyawubatsatsa tibatfumbele eveni lato lelikhashane nome lelisedvute,

2 Tikhronike 6:36

“Nangabe bona kuwe, ngobe kute longoni, wena bese uyabatfukutselela, ubanikele etitseni tabo letiyawubatsatsa tibatfumbele eveni lelikhashane nome lelisedvute,

Jobe 15:13

kutsi ungaze utfukutselele Nkulunkulu, ukhiphe emagama lamabi kangaka ngemlomo wakho?

Tihlabelelo 34:13

Lowo-ke akagcine lulwimi lwakhe ebubini, netindzebe takhe tingakhulumi emanga.

Tihlabelelo 39:1

Ngacabanga ngatsi: “Ngiyawunakekela tindlela tami, kuze ngingoni ngelulwimi lwami, umlomo wami ngiyakuwufaka sifonyo, yingci nangisesembikwalomubi.”

Taga 10:19

Kukhuluma lokunyenti kubanga kona, ngako umuntfu lohlakaniphile uyawabamba emavi akhe.

Taga 13:3

Umuntfu lobamba lulwimi lwakhe ulondvolota kuphila kwakhe; yebo, umuntfu lokhulumela futsi ulandza kuhlupheka.

Taga 20:9

Ngubani longasho atsi: “Inhlitiyo yami ngiyigcine imsulwa, ngihlantiwe esonweni sami”?

Taga 21:23

Umuntfu lotibambako kuko konkhe lakushoko uyatiphephisa etinhluphekweni.

Umshumayeli 7:20

Kute nome munye umuntfu lolungile emhlabeni lowenta lokuhle kuphela, kubete lakonako.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Levithikusi 13:39

kufanele umphristi amhlolisise. Nangabe amhlophe, kutawube kukucubuka lokungesiyo ingoti emtimbeni; lowo muntfu uhlantekile.

Matewu 12:34

Nine, ntalo yetinyoka, ningakukhuluma kanjani lokuhle nine nibabi kangaka nje? Ngobe umlomo ukhuluma loko lokugcwele enhlitiyweni.

Matewu 12:37

Ngobe ngemavi akho uyawutfolakala umsulwa, nangemavi akho uyawulahlwa.”

KubaseRoma 3:10

njengobe kubhaliwe kutsi: “Kute namunye lolungile,

KubaseRoma 7:21

Ngako ngikhandza kutsi kunemtsetfo losebenta kimi: Nangifuna kwenta lokulungile, lokubi kunami shaqa.

1 kubaseKorinthe 9:27

Kodvwa umtimba wami ngiyawucindzetela ngiwugandzaye, ngiwente sigcili, kuze mine lengishumayela labanye ngingalahlwa.

KubaseGalathiya 3:22

Kodvwa umBhalo utsi bonkhe bantfu bangephansi kwemandla esono, kuze kutsi loko lokwetsenjiswa ekukholweni nguKhristu Jesu kuniketwe labakholwako.

KubaseGalathiya 5:17

Ngobe inyama ikhanuka lokuphambene naMoya, naMoya, uphambene nenyama, ngobe kokubili kuyaphikisana, kuze ningetikwenta lenikutsandzako.

KubaseKholose 1:28

Nguye lesimshumayelako, seluleka bonkhe bantfu, sifundzisa bonkhe bantfu ngekuhlakanipha konkhe, kuze sikwati kumisa bonkhe bantfu baphelele kuKhristu Jesu.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

KumaHebheru 13:21

anganiphelelisa kuko konkhe lokuhle, kuze nente intsandvo yakhe, asebente kini ente ngaJesu Khristu loko lokujabulisako emehlweni akhe. Ludvumo alube kuKhristu phakadze naphakadze. Amen.

YaJakobe 1:26

Umuntfu locabanga kutsi uyakholwa, abe angalubophi lulwimi lwakhe, uyatikhohlisa enhlitiyweni yakhe, nekukholwa kwalowo muntfu kulite.

YaJakobe 1:4

Kucinisela kumele kucedzela umsebenti wako, kuze nivutfwe niphelele ningenasici, ningehlulwa lutfo.

YaJakobe 2:10

Ngobe lowo logcina yonkhe imitsetfo, kodvwa ephule munye, unelicala layo yonkhe.

1 yaPhetro 3:10

Ngobe umBhalo utsi: “Lowo lotsandza kuphila nekubona emalanga lamahle, akabambe lulwimi lwakhe kulokubi, nemlomo wakhe ekukhulumeni inkhohliso.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.