YaJakobe 2:2 - Siswati 1996 Bible

² Nangabe emhlanganweni wenu kungena umuntfu lofake indandatho yegolide, agcoke kahle, kuphindze kungene nalomunye lophuyile, agcoke kabi,

YaJakobe 2:2 Referencias Cruzadas

Genesisi 27:15

Rebheka watsatsa timphahla letincono kakhulu ta-Esawu letatisendlini kabo, watembatsisa Jakobe.

Esta 3:10

Inkhosi yakhumula indandatho yayo leyayineluphawu lwekugcoba simemetelo lesiphuma enkhosini, yayinika lesitsa semaJuda, Hamani, umsa waHamedatha, umtukulu wa-Agagi.

Esta 8:2

Inkhosi yakhumula indandatho yayo leneluphawu lwayo, yona leyo labeyinike Hamani, wase uyinika Modekhayi. Esta wanika Modekhayi lilungelo lekuphatsa tonkhe timphahla bekutaHamani.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Lukha 15:22

Kepha uyise wabita tisebenti watsi: ‘Phangisani niletse ingubo lenhle niyembatsise, niyifake nendandatho emnweni wayo, neticatfulo etinyaweni.

Lukha 23:11

Herodi nemabutfo akhe bahlekisa ngaJesu bamhhalatisa ngekwedzelela bamembesa umjiva wengubo, bambuyisela kuPhilatu.

YaJakobe 2:3

bese-ke nine ninaka lona logcoke tingubo leticwebetelako ngekutsi: “Hlala lapha, kunasi situlo,” kulona lophuyile nitsi: “Mani lapho,” nome: “Hlala lapha, entinyaweni tami,”