YaJakobe 2:19 - Siswati 1996 Bible

¹⁹ Uyakholwa kutsi Nkulunkulu munye? Wenta kahle; nemadimoni ayakukholwa loko, atfutfumele.

YaJakobe 2:19 Referencias Cruzadas

Isaya 43:10

Simakadze utsi: “Nine ma-Israyeli, nibofakazi bami kanye nenceku yami lengiyikhetsile, kuze nitewukwati nikholwe kimi, nicondze nekutsi mine Nginguye. Ngaphambi kwami kute nkulunkulu lowake wabunjwa, futsi kute loyawubuye abe khona emvakwami.

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 44:8

Ningatfutfumeli, ningesabi. Angizange ngikumemetele yini loku, ngakhuluma ngako kungakenteki kadzeni? Nine nibofakazi bami. Kukhona yini lomunye Nkulunkulu ngaphandle kwami? Cha, kute lelinye Lidvwala, kute nalinye lengilatiko.”

Isaya 45:6

khona kutewutsi kusukela emphumalanga kuze kube ngusenshonalanga, tive tati kutsi kute lomunye ngaphandle kwami. NginguSimakadze, futsi kute lomunye.

Isaya 46:9

Khumbulani tintfo takadzeni, leto takadzenidzeni. Ngobe nginguNkulunkulu, futsi kute lomunye; nginguNkulunkulu, futsi kute lonjengami.

Jona 4:4

Simakadze wamphendvula watsi: “Unalungelo lini lekutfukutsela?”

Jona 4:9

Kodvwa Nkulunkulu watsi kuJona: “Unalungelo lini lekutfukutselela lomhlafutfo?” Yena-ke watsi: “Ngenta kahle kutsi ngitfukutsele; ngitfukutsele kutsi angife ngitsi saka!”

Zakhariya 14:9

Simakadze uyawuba yinkhosi emhlabeni wonkhe. Ngalelo langa kuyawuba naSimakadze munye, Libito lakhe kube Libito lakhe kuphela.

Matewu 8:29

Bamemeta batsi: “Sinamsebenti muni nawe, Ndvodzana yaNkulunkulu, sewutele kutesivisa buhlungu yini sikhatsi sisengakefiki?”

Makho 1:24

atsi: “Ufunani kitsi, Jesu waseNazaretha? Sewutesibhubhisa yini? Ngiyakwati kutsi ungubani. UnguLongcwele waNkulunkulu.”

Makho 12:29

Jesu wasiphendvula watsi: “Wekucala utsi: ‘Lalelani, nine baka-Israyeli, iNkhosi Nkulunkulu wetfu, iNkhosi yinye.

Makho 5:7

Yamemeta ngelivi lelikhulu yatsi: “Ufunani kimi wena, Jesu, Ndvodzana yaNkulunkulu Losetikwako Konkhe? Mane ungangihluphi!”

Makho 7:9

Wabuye watsi kubo: “Ninemacebo lahlakaniphile ekulahla imiyalo yaNkulunkulu, khona nitewubambelela emasikweni enu.

Lukha 4:34

“Awu! Jesu waseNazaretha ufunani kitsi? Sewutele kutesibhubhisa yini? Ngiyakwati kutsi ungubani; unguLongcwele waNkulunkulu.”

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Imisebenti yebaPhostoli 16:17

Sasivamise kulandzela tsine naPawula, simemete sitsi: “Labantfu laba tinceku taNkulunkulu Losetikwako Konkhe, bamemetela kini indlela yensindziso.”

Imisebenti yebaPhostoli 19:15

Kepha umoya lomubi watsi kubo: “Jesu, ngiyamati; naPawula, ngiyamati; kepha nine nibobani?”

Imisebenti yebaPhostoli 24:25

Kodvwa asachubeka achaza ngekutiphatsa kahle, kutibamba nangekugwetjwa lokuseta, Feliksi wetfuka watfutfumela wadzimate watsi: “Kwamanje ase uhambe. Ngitawuphindze ngikubite, nase ngitfole lesinye sikhatsi.”

KubaseRoma 3:30

ngobe phela Nkulunkulu munye. Bekusoka bayakwemukelwa nguNkulunkulu kutsi balungile ngekukholwa; kanjalo nebekungasoki balungisiswa ngekukholwa.

1 kubaseKorinthe 8:4

Ngako-ke macondzana nekudla kudla lokuhlatjelwe tithico siyati kutsi: “Kute sithico lesiphilako,” nekutsi: “Nkulunkulu munye kuphela, kute lomunye.”

1 kubaseKorinthe 8:6

noko kitsi kukhona Nkulunkulu munye, Babe, lokuvela kuye konkhe, natsi sikhonela yena. INkhosi yinye, nguJesu Khristu, lokuvela ngaye konkhe, natsi lesiphila ngaye.

KubaseGalathiya 3:20

Umlamuli akadzingeki ngalutfo umuntfu nakayedvwana, vele-ke Nkulunkulu munye.

Dutheronomi 6:4

“Lalelani, ma-Israyeli, Simakadze Nkulunkulu wetfu nguye yedvwana longuSimakadze.

1 kuThimothi 2:5

Ngobe munye Nkulunkulu, munye neMlamuli losemkhatsini waNkulunkulu nebantfu, lomuntfu nguKhristu Jesu,

YaJakobe 2:8

Kepha nanigcina umtsetfo webukhosi ngekwemBhalo lotsi: “Tsandza makhelwane wakho njengobe utitsandza wena,” nenta kahle.

YaJuda 1:4

Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.

YaJuda 1:6

Nikhumbule phela kutsi netingilosi letingabugcinanga bukhosi bato ngekushiya likhaya lato, watigcina ebumnyameni tiboshwe ngetinketane letingasoze tikhunyulwe. Letingilosi timele lilanga lelikhulu lekwehlulelwa.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.