YaJakobe 2:14 - Siswati 1996 Bible

¹⁴ Bazalwane bami, kusitani kutsi umuntfu atsi uyakholwa kodvwa abe angenayo imisebenti? Kungamsindzisa yini lokukholwa kwakhe?

YaJakobe 2:14 Referencias Cruzadas

Jeremiya 7:8

Kodvwa bukani la, nine netsembele emavini langemanga nalangenamsebenti.

Matewu 5:20

Ngobe ngiyanitjela impela ngitsi: Ngaphandle kwekutsi kulunga kwenu kwendlule kwetati temtsetfo nekwebaFarisi, ningeke ningene embusweni welizulu.”

Lukha 3:11

Waphendula watsi: “Nangabe unemahembe lamabili, nika lomunye longenalo libe linye, lonekudla akacetunele labanye.”

Lukha 6:49

Kodvwa lona lova emavi ami angawenti, ufanana nemuntfu lowakha indlu yakhe esihlabatsini ngaphandle kwekubeka sisekelo. Yatsi nase ishaywa ngemanti netikhukhula, yasheshe yawa. Yeka kubhidlika kwayo kwaba kukhulu!”

Imisebenti yebaPhostoli 15:9

Akentanga umehluko emkhatsini wetfu nabo; ngekukholwa wabahlanta tinhlitiyo.

Imisebenti yebaPhostoli 8:13

NaSimoni matfupha wakholwa; emvakwekubhajatiswa kwakhe wahlala njalo asedvute kwaFiliphu, wamangala nakabona letimanga letinkhulu kanye netibonakaliso labetenta.

Imisebenti yebaPhostoli 8:21

Awunasabelo nalifa kulomsebenti, ngobe inhlitiyo yakho ayikalungi emehlweni aNkulunkulu.

KubaseRoma 2:25

Kusoka kwakho kunalo lusito nawugcina umtsetfo, kepha nawephula umtsetfo kusoka kwakho kuyafanana nekungasoki.

1 kubaseKorinthe 15:2

Nisindziswa ngalo, nangabe nisabambelele evini lenganishumayela lona; nakungenjalo kukholwa kwenu kwaba lite.

1 kubaseKorinthe 16:22

Nangabe umuntfu angayitsandzi iNkhosi, akabe ngulocalekisiwe Wota Nkhosi!

KubaseGalathiya 5:13

Ngobe bazalwane, nabitelwa enkhululekweni; kuphela nje ningayisebentisi inkhululeko yenu kunika ematfuba ekwenta sono, kodvwa khontanani ngelutsandvo lomunye kulomunye.

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

1 kuThimothi 1:5

Empeleni injongo yemyalo wetfu kuvusetela lutsandvo loluphuma enhlitiyweni lemhlophe, nakunembeza lomsulwa, nasekukholweni lokute kutentisa.

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

kuThithusi 3:8

Lelivi licinisile. Ngifisa kutsi ukugcizelele loku, kuze labo labakholwe kuNkulunkulu bakhutsalele kwenta imisebenti lemihle. Loku kuhle, futsi kunelusito kubantfu.

KumaHebheru 11:17

Ngekukholwa Abrahama, nakavivinywa, wanikela nga-Isaka kutsi abe ngumhlatjelo. Nome Abrahama abesatemukele leto tetsembiso, kodvwa abetimisele kunikela ngayo yona leyo ndvodzana yakhe yekuphela.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

YaJakobe 1:16

Bazalwane bami labatsandzekako, ningedukiswa.

YaJakobe 2:16

bese-ke lomunye emkhatsini wenu utsi kubo: “Hambani ngekuthula, nifutfumale, nesutse,” ngaphandle kwekubapha loko labakudzingako emtimbeni, kusitani loko?

YaJakobe 2:18

Kepha lomunye angatsi: “Wena unekukholwa, mine nginemisebenti. Ngikhombise kukholwa kwakho ngaphandle kwemisebenti, nami ngitakukhombisa kukholwa kwami ngemisebenti yami.”

YaJakobe 2:26

Njengobe umtimba ufile nawute umoya, ngalokufananako nekukholwa nakute imisebenti kufile.

2 yaPhetro 1:5

Ngaleso sizatfu-ke khutsalelani kwengeta bucotfo ekukholweni, nakubo bucotfo nengete kwati,