YaJakobe 1:8 - Siswati 1996 Bible

⁸ ungumuntfu lonetinhlitiyo letimbili, uyagucugucuka etindleleni takhe tonkhe.

YaJakobe 1:8 Referencias Cruzadas

1 Emakhosi 18:21

Elija wasondzela embikwesive, wafike watsi: “Kuyawuze kube ngunini solomane nindziyatela emkhatsini wemicondvo lemibili? Nangabe Simakadze anguNkulunkulu, landzelani yena; kodvwa nangabe Bhali anguNkulunkulu, landzelani yena.” Kodvwa sive asizange sikhulume.

2 Emakhosi 17:33

Babechubeka bona bamkhonte Simakadze, kodvwa babechubeka bakhonte naletithico tabo njengekwemasiko etive takubo lapho babesuswe khona.

2 Emakhosi 17:41

Nangesikhatsi labantfu sebakhonta Simakadze, kodvwa babesachubeka nekukhonta tithico tabo. Kuze kube ngulamuhla loku, bantfwababo, nebantfwana bebantfwababo basachubeka nekwenta njengaboyisemkhulu.

Tihlabelelo 119:113

Ngiyabatondza bantfu labamphacambili, kodvwa umtsetfo wakho ngiyawutsandza.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Hoseya 10:2

Inhlitiyo yabo iyakhohlisana, manje sekufanele baletfwale licala labo. Simakadze utawephula emalati abo, abhidlite nalamatje abo lakhontwako.

Matewu 6:22

“Sibane semtimba liso. Ngako-ke nangabe liso lakho liphilile, nemtimba wakho wonkhe uyakubasekukhanyeni.

Matewu 6:24

“Kute umuntfu longakhonta emakhosi lamabili; ngobe uyakutondza lenye, atsandze lenye; uyakwetsembeka kulenye ayedzelele lenye. Ungeke ukhonte Nkulunkulu nemcebo.

YaJakobe 1:7

Ngako-ke umuntfu lonjalo angabocabanga kutsi iNkhosi iyawumemukelisa lutfo;

YaJakobe 4:8

Sondzelani kuNkulunkulu, naye utawusondzela kini. Gezani tandla tenu, nine toni, nihlambulule tinhlitiyo tenu, nine bantfu labanetinhlitiyo letimbili.

2 yaPhetro 2:14

Emehlo abo agcwele buphingi, anamatsele esonweni; baholela labo lababutsakatsaka elugibeni; tinhlitiyo tabo tetayele bukhali. Bangaphansi kwesicalekiso.

2 yaPhetro 3:16

Ngiko loko lakushoko kuto tonkhe tincwadzi takhe, nakabhala ngaletintfo. Kukhona tintfo letilukhuni kutivisisa kahle kuto leto tincwadzi. Labo labangati nalabangakacini bayatihlanekela, njengobe benta nakuletinye tincwadzi temiBhalo. Ngekwenta loko batiletsela kubhujiswa.