Umshumayeli 9:2 - Siswati 1996 Bible

² Bonkhe banasiphetfo sinye: labalungile nalabangakalungi, labahle nalababi, labahlantekile nalabangcolile, labenta imihlatjelo nalabangayenti. Njengobe kunjalo kumuntfu lolungile, kuyawuba njalo nakulosoni; nanjengobe kunjalo kulabo labenta tifungo, kutawuba njalo nakulabo labesaba kutenta.

Umshumayeli 9:2 Referencias Cruzadas

Genesisi 24:3

Ngitekufungisa Simakadze longuNkulunkulu welizulu nemhlaba, kutsi ungacali utsatsele indvodzana yami umfati emkhatsini wemadvodzakati emaKhenani, lengihleti emkhatsini wawo.

Jobe 9:22

Mine sekuyangifananela nje, ngiko nje ngitsi: ‘Ubhubhisa labalungile nalababi.’

Tihlabelelo 73:3

Ngobe nganginemona nalabatigcabhako, ngesikhatsi ngibona kuchuma kwalababi.

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.

Umshumayeli 3:19

Ngobe siphetfo semuntfu siyafanana nesiphetfo setilwane; kokubili kumelwe siphetfo lesifananako: Njengobe lokunye kufa, naloku lokunye kuyafa. Konkhe kunemiphefumulo lefananako, umuntfu kute lancono ngako kunesilwane. Ngako konkhe kulite.

Umshumayeli 6:6

lite nome leyo ndvodza ingaphila iminyaka leyinkhulungwane lephindvwe kabili, kodvwa ibe yehluleka kutijabulisa ngalengcebo yayo. Abayi ndzawonye bonkhe yini?

Umshumayeli 7:18

Kuhle kutsi ukubambe loku, kodvwa ungakuyekeli-ke lokwa. Umuntfu lowesaba Nkulunkulu uyawuphumelela kuko konkhe.

Umshumayeli 7:2

Kuncono kuya endlini lapho kulilwa khona kunekuya endlini lapho kunelidzili khona, ngobe kufa kusiphetfo sabo bonkhe bantfu; labo labaphilako kufanele bakufake enhlitiyweni yabo loko.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Umshumayeli 9:3

Naku lokubi kuko lokwentekako lapha ngaphansi kwemtfunti welilanga: Bonkhe behlelwa siphetfo lesifananako. Ngetulu kwaloko tinhlitiyo tebantfu tigcwele bubi, kantsi kunebuhlanya etinhlitiyweni tabo basaphila, emvakwaloko bangena ekufeni.

Jeremiya 43:6

Tayihola embili yonkhe: emadvodza, nebafati, nebantfwana, nemadvodzakati enkhosi, Nebuzaradani, indvuna yabomahlalesangweni, abewashiye naGedaliya, umsa wa-Ahikamu, umsa waShafani, tahamba naboJeremiya, umphrofethi, naBharuki, umsa waNeriya.

Malakhi 3:15

Kodvwa nyalo sibita labatigabatisako sitsi bangulababusisiwe. Impela benti balokubi bayaphumelela, ngisho nalabo labamelene naNkulunkulu nabo bayaphunyula.’ ”

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

1 Samuweli 14:26

Atsi asangena nje kulelihlatsi abona luju luvuta, noko kwabate ngisho nome munye lowase wabeka sandla sakhe emlonyeni, ngobe abesaba lesifungo.