Umshumayeli 9:12 - Siswati 1996 Bible

¹² Ngetulu kwaloko kute umuntfu lowatiko kutsi sikhatsi sakhe siyawufika nini: Njengenhlanti ibanjwa enetheni, nenyoni igcotjwa sifu, kanjalo nebantfu babanjwa kufikelwa tikhatsi letimbi bangakaticapheli.

Umshumayeli 9:12 Referencias Cruzadas

Tihlabelelo 11:6

Lababi uyawubehlisela imvula yemalahle lavutsako nesibabule, abajezise ngemoya lohhusha kabuhlungu.

Taga 24:22

ngobe bayawubhubha masinyane. Ngubani nje longati tehlakalo letingehliswa nguSimakadze nenkhosi?

Taga 29:6

Kunelugibe etentweni letimbi temuntfu, kodvwa lolungile uhamba ajabula.

Taga 6:15

Ngenca yaloku siyakwehlelwa yingoti masinyane sipitjitwe ngaphandle kwesecwayiso, singaphindzi sisindze.

Umshumayeli 3:19

Ngobe siphetfo semuntfu siyafanana nesiphetfo setilwane; kokubili kumelwe siphetfo lesifananako: Njengobe lokunye kufa, naloku lokunye kuyafa. Konkhe kunemiphefumulo lefananako, umuntfu kute lancono ngako kunesilwane. Ngako konkhe kulite.

Umshumayeli 8:11

Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

Umshumayeli 8:8

Kute umuntfu lonemandla ekubamba umoya, futsi kute nalonemandla ekujikisa lilanga lekufa kwakhe. Njengobe kute umuntfu lokhululekile nakuliwa imphi, kanjalo futsi nebubi bungeke bubakhulule labo lababentako.

Umshumayeli 9:13

Ngiphindze ngabona lokunye futsi lapha ngaphansi kwemtfunti welilanga, lekwaba sibonelo lesikhulu sekuhlakanipha kimi.

Isaya 24:18

Lowo lobalekela umsindvo wekwesabisa, uyakuhholokoshela emgodzini; lowo loyawukhuphuka kulomgodzi, uyawubanjwa lugibe. Tivalo temanti emazulwini tivuliwe, tisekelo temhlaba tiyanyikatiswa.

Isaya 30:13

lesono lesi siyawuba ngangelubondza loluphakeme kini, loseluklatuka ekhatsi selugobana, lona lolusuke selutawuhhibika masinyane.

Hezekeli 32:3

“ ‘Naku lokushiwo yiNkhosi Simakadze, itsi: “ ‘Ngesicumbi lesikhulu sebantfu ngiyawuphonsa linetha lami etikwakho, bayawukuhudvulela ngaphandle ngelinetha lami.

Hoseya 7:12

Batawutsi nababaleka, ngijikijele linetha lami etikwabo. Ngiyawubadvonsela phansi njengetinyoni tasemoyeni. Nangibeva bancwabelana ndzawonye, ngiyawubabamba.

Hoseya 9:8

Umphrofethi utfunyelwe nguNkulunkulu kutsi abe ngumlindzi wa-Efrayimu, noko tingibe timele umphrofethi kuto tonkhe tindlela takhe, nebutsa busendlini yaNkulunkulu wakhe.

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

Lukha 12:39

Kodvwa yatini loku, kutsi kube lomniyo wendlu bekati sikhatsi sekufika kwelisela, abeyawulindza indlu yakhe kuze ingetikugcekezwa.

2 kubaseKorinthe 6:2

Ngobe utsi: “Ngikuvile ngesikhatsi lesifanele; ngakusita ngelilanga lensindziso.” Lalelani la, “sikhatsi lesifanele” ngiso lesi; “lilanga lensindziso” ngilo lona leli.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.

2 kuThimothi 2:26

baze basanguluke etingcondvweni tabo, baphunyule elugibeni lwaSathane, lowabagcilata kuze bente intsandvo yakhe.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

2 yaPhetro 2:12

Kodvwa labantfu labahlambalatako banjengetilwane tesiganga letingenangcondvo, ngekwemvelo titalelwe kubanjwa nekubulawa. Bahlambalata ngetintfo labangatati; kodvwa batawubhujiswa kanye naleto tilwane.