Umshumayeli 9:1 - Siswati 1996 Bible

¹ Ngacabangisisa ngako konkhe loko, ngabona kutsi lolungile nalohlakaniphile nako konkhe labakwentako kusesandleni saNkulunkulu, nome kulutsandvo nome kuyinzondo; kute lowatiko. Konkhe lokusembikwabo kulite.

Umshumayeli 9:1 Referencias Cruzadas

Jobe 12:10

Kuphila kwato tonkhe tidalwa kusesandleni sakhe, kanjalo nemiphefumulo yabo bonkhe bantfu bemhlaba.

Jobe 27:12

Nani nonkhe matfupha nikubonile loku. Pho, niwukhulumelani lombhedvo?”

Jobe 5:8

“Kodvwa kube bekungimi, ngabe ngiyatincengela kuNkulunkulu, ngabe ngibeka yonkhe indzaba yami embikwakhe.

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 119:109

Imphilo yami isengotini njalo, noko angiwukhohlwa umtsetfo wakho.

Tihlabelelo 31:5

Nginikela umoya wami esandleni sakho, ungihlengile wena Simakadze; unguNkulunkulu lowetsembekile.

Tihlabelelo 73:3

Ngobe nganginemona nalabatigcabhako, ngesikhatsi ngibona kuchuma kwalababi.

Taga 16:3

Yekelela konkhe lokwentako kuSimakadze, nakanjani tinhloso takho tiyawuphumelela.

Umshumayeli 1:17

Ngatimisela engcondvweni yami kukwati kuhlakanipha, nebuhlanya nebulima, kodvwa ngefika lapho ngibona khona kutsi nako loko kufanana nekucosha umoya.

Umshumayeli 10:14

silima siba nemavi lamanyenti. Kodvwa ekugcineni kubate lowatiko kutsi yini letako. Ngubani nje longamtjela kutsi kutakwentekani emvakwakhe?

Umshumayeli 7:15

Kulokuphila kwami lokulite ngikubone kokubili loku: Umuntfu lolungile ufela ekulungeni kwakhe, nemuntfu lomubi uphila sikhatsi lesidze ebubini bakhe.

Umshumayeli 7:25

Ngase ngijikisela ingcondvo yami ekufunisiseni kwati nasekuphenyisiseni kuhlakanipha nekuhleleka kwetintfo, nasekucondzisiseni bulima bebubi kanye nebuhlanya bebulima.

Umshumayeli 8:14

Kukhona lokunye lokulite lokwentekako lapha emhlabeni: Kukhona bantfu labalungile labehlelwa nguloko lokufanele kwehlele lababi, kantsi futsi kukhona nalababi labehlelwa nguloko lokufanele kwehlele labalungile. Ngatsi nako loko kulite.

Umshumayeli 8:16

Ngatsi nangitimisela engcondvweni yami kufunisisa kwati nekuhlakanipha nekutfolisisa kutsi yini umshikashika lowentiwa ngumuntfu emhlabeni, angalali emini nebusuku,

Umshumayeli 8:7

Njengobe kute umuntfu lowati likusasa lakhe kutsi limphatseleni, ngubani nje longasho kutsi yini letakwenteka?

Umshumayeli 9:6

Kubo lutsandvo, nenzondo, nemona sekwaphela, bangeke baphindze babe nesabelo kuko konkhe lokwentiwako lapha emhlabeni.

Isaya 26:12

Simakadze, wena usentela kuthula, konkhe loku lesiphumelele kukwenta, sikwentelwe nguwe.

Jeremiya 43:6

Tayihola embili yonkhe: emadvodza, nebafati, nebantfwana, nemadvodzakati enkhosi, Nebuzaradani, indvuna yabomahlalesangweni, abewashiye naGedaliya, umsa wa-Ahikamu, umsa waShafani, tahamba naboJeremiya, umphrofethi, naBharuki, umsa waNeriya.

Dutheronomi 33:3

Ngempela nguwe lotsandza lesive; bonkhe labangcwele basesandleni sakho. Bakhotsama etinyaweni takho bonkhe. Kuwe bemukela tifundvo,

2 kuThimothi 1:12

kungako nje ngihlupheka nanyalo. Kodvwa ngite emahloni, ngobe ngiyamati lengetsembele kuye, futsi ngineliciniso kutsi yena unawo emandla ekukulondvolota loko lakubeke kimi, kuze kube ngalelo langa.

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.

1 Samuweli 2:9

“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.