Umshumayeli 8:7 - Siswati 1996 Bible

⁷ Njengobe kute umuntfu lowati likusasa lakhe kutsi limphatseleni, ngubani nje longasho kutsi yini letakwenteka?

Umshumayeli 8:7 Referencias Cruzadas

Esta 5:12

Wachubeka Hamani wabalandzisa nekutsi ngetulu kwako konkhe yena uhleti nje abemenywe yinkhosikati lenkhulu, Esta; ibentele lidzili bona nenkhosi bobabili. Washo nekusho kutsi nangakusasa futsi baphindze bamenywa, kwamenywa inkhosi naye Hamani kuphela, emkhatsini wato tonkhe tindvuna tenkhosi.

Taga 24:22

ngobe bayawubhubha masinyane. Ngubani nje longati tehlakalo letingehliswa nguSimakadze nenkhosi?

Taga 27:1

Ungatigabatisi ngelikusasa lakho, ngobe awati kutsi lilanga ngelilanga likutela nani.

Taga 29:1

Umuntfu lotsi nakelulekwa acinise inhloko, uyakufohlotwa masinyane.

Umshumayeli 10:14

silima siba nemavi lamanyenti. Kodvwa ekugcineni kubate lowatiko kutsi yini letako. Ngubani nje longamtjela kutsi kutakwentekani emvakwakhe?

Umshumayeli 3:22

Ngako ngase ngiyabona kutsi kute lokuncono kumuntfu ngaphandle kwekutsi atijabulise ngemsebenti wakhe lawentako, ngobe phela leso ngusona sabelo sakhe. Empeleni ngubani nje longamvusa kuze atewubona kutsi kutakwentekani nase afile?

Umshumayeli 6:12

Empeleni ngubani longahle ati kutsi yini lenhle lefanele umuntfu kulokuphila, nakulamalangana lambalwa nalalite lendlula kuwo njengesitfunti? Ngubani nje longatjela lomunye umuntfu kutsi kutakwentekani lapha ngaphansi kwemtfunti welilanga nangasekho?

Umshumayeli 7:14

Natintfo tihamba kahle, tsakasa; kodvwa natintfo tingahambi kahle, khumbula naku: Nkulunkulu ukuvumela kutsi kwenteke kokubili. Ngako-ke umuntfu angeke akwati kubona lutfo ngelikusasa lakhe.

Umshumayeli 9:1

Ngacabangisisa ngako konkhe loko, ngabona kutsi lolungile nalohlakaniphile nako konkhe labakwentako kusesandleni saNkulunkulu, nome kulutsandvo nome kuyinzondo; kute lowatiko. Konkhe lokusembikwabo kulite.

Umshumayeli 9:12

Ngetulu kwaloko kute umuntfu lowatiko kutsi sikhatsi sakhe siyawufika nini: Njengenhlanti ibanjwa enetheni, nenyoni igcotjwa sifu, kanjalo nebantfu babanjwa kufikelwa tikhatsi letimbi bangakaticapheli.

Matewu 24:44

“Ngako-ke nani hlalani nilindzele, ngobe iNdvodzana yeMuntfu iyawufika ngesikhatsi leningakasibheki.”

Matewu 24:50

inkhosi yaleso sisebenti iyawufika ngalelo langa, leso sisebenti singakayibheki, nangesikhatsi lesingasati.