Umshumayeli 7:29 - Siswati 1996 Bible

²⁹ Naku kuphela lengikutfolile: kutsi Nkulunkulu wadala umuntfu, wamenta waba ngulocondzile, kodvwa bantfu besuka bayawufuna emachinga abo lamanyenti.”

Umshumayeli 7:29 Referencias Cruzadas

Genesisi 5:1

Lona ngumlandvo wentalelwane ya-Adamu. Nkulunkulu nakadala umuntfu, wamenta waba ngumfanekiso waNkulunkulu.

Tihlabelelo 106:29

bacunula Simakadze ngetento tabo, kwabhoboka sifo emkhatsini wabo.

Tihlabelelo 106:39

Batingcolisa ngetintfo lababetenta, bangete betsembeka kuNkulunkulu, bafana netiphingi.

Tihlabelelo 99:8

Yebo, Simakadze, Nkulunkulu wetfu, wabaphendvula wena, waba nguNkulunkulu lotsetselelako kubo, noko wabajezisa ngenca yetono tabo.

Umshumayeli 8:1

Ngubani umuntfu lonjengalohlakaniphile? Ngubani lowati inchazelo yetintfo? Inhlakanipho ikhanyisa buso bemuntfu igucule kunyukubala kwebuso bakhe.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Hezekeli 28:15

Wawungasoleki etindleleni takho kusukela ngelilanga lowadalwa ngalo, kwadzimate kwaba ngumhlazana bubi butfolakala kuwe.

kuThithusi 3:3

Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.