Umshumayeli 7:1 - Siswati 1996 Bible

¹ Libito lelihle lincono kunemakha lamnandzi, nelilanga lekufa lincono kunelekutalwa.

Umshumayeli 7:1 Referencias Cruzadas

Jobe 3:17

Lapho-ke ngulapho lababi bayekela khona budlova, nalabakhatsatekile lapho bayaphumula.

Tihlabelelo 133:2

Kuhle kufana nemakha, lanuka kamnandzi, nakatselwe enhloko, ageleta, adzimate ehlela esilevini, yebo, esilevini sa-Aroni atfontsela nasetiphikeni tetingubo takhe.

Taga 15:30

Buso lobumamatsekako buyajabulisana, tindzaba letimnandzi ticinisa ematsambo.

Taga 22:1

Kudvuma ngalokuhle kuncono kunemcebo lomnyenti, kuhlonipheka kuncono kunekuceba.

Taga 25:10

funa lona lokuvile akutsele ngelihlazo, bantfu bangaphindzi bakwetsembe.

Taga 27:9

Emakha nemafutsa lanuka kamnandzi ajabulisa inhlitiyo; kodvwa bungani sibili buyawuphakamisa umphefumulo.

Umshumayeli 10:1

Njengobe timphungane letifile tenta emakha abe neliphunga lelibi, kanjalo nebulima lobuncane nje benta kuhlakanipha neludvumo kulahlekelwe simo sako.

Umshumayeli 4:2

Ngakhandza kutsi labafile bayajabula; labo lasebalala bancono kunalaba labaphilako.

Umshumayeli 7:8

Siphetfo sentfo sincono kunesicalo sayo, nekubeketela kuncono kuneligcabho.

Ingoma Yetingoma 1:3

Liyajabulisa liphunga lemakha akho; libito lakho linjengemakha latfululwako. Nguko nje tintfombi tikutsandza kangaka!

Ingoma Yetingoma 4:10

Maye, lumnandzi bo lutsandvo lwakho, dzadzewetfu, makoti wami. Lujabulisa kangakanani-ke lutsandvo lwakho kuneliwayini, neliphunga lemakha akho limnandzi kunelesinongo!

Isaya 56:5

labo ngiyakubanika sikhumbuto ekhatsi ethempelini lami nasemkhatsini wetibondza talo, ngiyakubanika nelibito lelihle kwengca emadvodzana nemadvodzakati. Ngiyakubanika libito laphakadze, libito lelingasoze laphela nakadzeni.

Jona 4:3

Ngako-ke Simakadze, ngiyakuncenga kutsi ukususe kuphila kwami kimi; ngobe kuncono kimi kutsi ngife kunekutsi ngiphile.”

Lukha 10:20

Ningajabuli ngobe imimoya lemibi initfobela; kodvwa jabulani kutsi emabito enu abhaliwe ezulwini.”

Johane 13:2

Sathane abesakufake enhlitiyweni yaJudasi, umsa waSimoni Skariyothi, kutsi atsengise ngaJesu. Kwatsi nasekudliwa entsambama,

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

2 kubaseKorinthe 5:8

Ngesibindzi sitsi kuncono siwushiye lomtimba siyewuhlala neNkhosi.

KumaHebheru 11:2

Bokhokho betfu bemukeleka ngaloko kukholwa kwabo kuNkulunkulu.

KumaHebheru 11:39

Bonkhe laba, bemukeleka ngekukholwa kwabo, kodvwa abazange bakwemukele lababetsenjiswe kona,

Sembulo 14:13

Ngase ngiva livi ezulwini litsi: “Bhala naku: Babusisiwe labafile bafela eNkhosini kusukela kulesikhatsi.” Moya waphendvula watsi: “Babusisiwe ngempela! Bayawuphumula ekusebenteni kwabo kamatima, ngobe tento tabo tiyabalandzela.”

Ruthe 3:14

Ngako Ruthe walala ngasetinyaweni taBowazi kwaze kwasa, kodvwa washeshe wavuka kusemnyama. Phela Bowazi abengafuni kutsi kwatiwe kutsi kuke kwaba nalomsikati kulelo bala lekubhula.