Umshumayeli 6:2 - Siswati 1996 Bible

² Nkulunkulu upha umuntfu ingcebo, netimphahla letinyenti, nekuhlonipheka, kuze kutsi kubete lakweswelako lokufiswa yinhlitiyo yakhe, kodvwa Nkulunkulu angamvumeli kutsi atijabulise ngayo, esikhundleni saloko kube ngumfokati nje lotijabulisa ngayo. Nako loko kulite nemvisabuhlungu lembi.

Umshumayeli 6:2 Referencias Cruzadas

1 Emakhosi 3:13

Ngetulu kwaloko ngitakupha naloku longakakuceli, yebo, bunjinga, nekuhlonishwa, neludvumo, kuze kutsi ngetikhatsi takho kubete nayinye inkhosi emhlabeni lefanana nawe.

1 Tikhronike 29:25

Simakadze waphakamisa Solomoni kakhulu embikwema-Israyeli onkhe, wametfwesa bukhosi lobukhulu, kute ngisho nayinye inkhosi leyase yaba nabo ngembili kwakhe.

1 Tikhronike 29:28

Wafa asamdzala kakhulu, asatenelisile ngemphilo lendze, nangemcebo, nangekuhlonishwa. Solomoni, umsa wakhe, watsatsa sikhundla sakhe waba yinkhosi.

2 Tikhronike 1:11

Nkulunkulu waphendvula Solomoni, watsi: “Njengobe lesi kusifiso senhlitiyo yakho, futsi awukaceli umcebo, nebunjinga, nekuhlonishwa, ngisho nekutsi titsa takho tife, njengobe futsi ungakaceli ngisho nemphilo lendze, kodvwa ucele inhlakanipho nekucondza kuze utewubusa kahle sive sami lengikubeke etikwaso kutsi ube yinkhosi yaso,

Tihlabelelo 17:14

Simakadze, ngephule ngesandla sakho etandleni talabagungubele ngetintfo talomhlaba. Bajezise ngekuhlupheka lobabekele kona. Shangatsi kungenela bona kanye nebantfwababo, kwendlulele nakubatukulu bebatukulu babo.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Tihlabelelo 73:7

Kukhuluphala kuwakhukhumukisile emehlo abo, imicabango yetinhlitiyo tabo iphuphuma bubi.

Umshumayeli 4:4

Ngabona kutsi wonkhe umshikashika nako konkhe kuphumelela kwemuntfu kusukela ekuhawukeleni kwakhe lutfo kumakhelwane wakhe. Nako loko kulite, kufanana nekucosha umoya.

Umshumayeli 4:8

Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Umshumayeli 5:13

Ngibone intfo lembi lelusizi lapha ngaphansi kwemtfunti welilanga: Umcebo lobutselwe ndzawonye bese usuka ulimata umnikati wawo,

Umshumayeli 5:16

Nako loko kuyimvisabuhlungu: Kufika kwemuntfu kufanana nekuhamba kwakhe; utfolani-ke umuntfu, nangabe kantsi wonkhe lomshikashika wakhe ungumoya nje?

Umshumayeli 5:18

Ngase ngiyabona kutsi kuhle kutsi umuntfu adle, anatse, atijabulise ngayo yonkhe imisebenti yakhe layentako lapha ngaphansi kwemtfunti welilanga, atijabulise ngawo onkhe lawo malangana Nkulunkulu lamuphe wona kutsi awaphile ngaphansi kwemtfunti welilanga, ngobe loko kusabelo sakhe,

Umshumayeli 5:19

ngetulu kwaloko kusipho saNkulunkulu kuye wonkhe umuntfu lamuphe bunjinga, nemcebo, nemandla, kutsi atijabulise ngako, asemukele leso sabelo sakhe, ajabule emsebentini wakhe.

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Sililo 5:2

Lifa letfu selijikisiwe lanikwa bafokati, nemakhaya etfu anikwa bachamuki.

Danyela 5:18

“Nkhosi, Nkulunkulu Longetulu Kwako Konkhe wapha uyihlo Nebukhadnezari bukhosi, nebukhulu, neludvumo kanye nebukhatikhati.

Hoseya 7:9

Betive bamunya emandla akhe, kodvwa yena akakuboni loko. Timvu setiyacatsatela enhloko yakhe, kodvwa yena akakunaki loko.

Dutheronomi 28:33

Sive leningasati siyawufika sidle titselo nesivuno selive lenu. Aniyikuba nalutfo, kodvwa niyawucindzetelwa ngelulaka onkhe emalanga ekuphila kwenu.

Dutheronomi 28:43

“Betive labahlala emkhatsini wenu bayawukhula ngetulu kwenu baye ngekuya benyuka, kodvwa nine niyawushona phansi, niye ngekuya, nehle.

Tikhulu 18:10

Nanifika lapho, nitawukhandza kutsi bantfu bakhona abasoli lutfo, ngisho naloluncane. Lelo-ke live lelikhulu leninako konkhe lokungahle kudzingwe ngumuntfu, Nkulunkulu ulinike nine.”