Umshumayeli 6:12 - Siswati 1996 Bible

¹² Empeleni ngubani longahle ati kutsi yini lenhle lefanele umuntfu kulokuphila, nakulamalangana lambalwa nalalite lendlula kuwo njengesitfunti? Ngubani nje longatjela lomunye umuntfu kutsi kutakwentekani lapha ngaphansi kwemtfunti welilanga nangasekho?

Umshumayeli 6:12 Referencias Cruzadas

1 Tikhronike 29:15

Tsine sitihambi nebafokati embikwakho, njengabo bonkhe bokhokho betfu. Emalanga etfu lapha emhlabeni afanana nesitfunti, kute litsemba.

Jobe 14:2

Ubhahela njengembali, bese uyabuna, akakhonsi, usheshe anyamalale njengesitfunti.

Jobe 14:21

Nangabe emadvodzana akhe advunyiswa, loko yena akakwati; nangabe ahlaziswa, loko yena akakuboni.

Jobe 8:9

ngobe tsine sitelwe itolo loku, kute lesikwatiko, netinsuku tetfu tekuhamba lapha emhlabeni tisitfunti nje.

Tihlabelelo 102:11

Emalanga ami anjengesitfunti sentsambama, ngiyabuna njengetjani.

Tihlabelelo 109:23

Ngiyanyamalala kancane kancane, njengesitfunti nase kuhwalala; ngiyavitsitwa njengentsetse.

Tihlabelelo 144:4

Umuntfu ufanana nemoya nje; emalanga ekuphila kwakhe afanana nesitfunti lesendlulako.

Tihlabelelo 16:5

Simakadze, wena usabelo lesilifa lami, ungipha konkhe lengikudzingako. Likusasa lami lisetandleni takho.

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Tihlabelelo 4:6

Labanyenti batsi: “Ngubani longasentela tintfo letinhle?” Simakadze, sikhanyisele ngebukhona bakho.

Tihlabelelo 47:4

Wasikhetsela live letfu kutsi libe lifa letfu, leliligugu nakuJakobe lotsandvwa nguNkulunkulu. Cabanga.

Tihlabelelo 89:47

Khumbula-ke kutsi sikhatsi sami singakanani emhlabeni. Bonkhe bantfu lowabadala bendlula njengemoya kulomhlaba.

Umshumayeli 10:14

silima siba nemavi lamanyenti. Kodvwa ekugcineni kubate lowatiko kutsi yini letako. Ngubani nje longamtjela kutsi kutakwentekani emvakwakhe?

Umshumayeli 12:13

Konkhe sekuvakele. Nasi-ke siphetfo sendzaba: Yesaba Nkulunkulu, ugcine imiyalo yakhe, kute lokunye lokungetulu kwaloko lokudzingekako kumuntfu.

Umshumayeli 2:24

Kute lokuncono umuntfu langakwenta ngaphandle kwekutsi adle anatse eneliseke ngemsebenti wakhe. Nako loku futsi ngikubona kuphuma esandleni saNkulunkulu,

Umshumayeli 2:3

Ngako ngetama kutijabulisa ngeliwayini, ngagona bulima. Kodvwa ingcondvo yami yayidvonswa kuhlakanipha. Ngangifuna kubona kutsi yini lokungukona kufanele kwentiwe bantfu lapha emhlabeni kulamalangana emphilo yabo.

Umshumayeli 3:22

Ngako ngase ngiyabona kutsi kute lokuncono kumuntfu ngaphandle kwekutsi atijabulise ngemsebenti wakhe lawentako, ngobe phela leso ngusona sabelo sakhe. Empeleni ngubani nje longamvusa kuze atewubona kutsi kutakwentekani nase afile?

Umshumayeli 6:11

Ngekwandza kwemavi, kwandza nebute bawo. Kona loko kumbuyiselani nje umuntfu?

Umshumayeli 7:15

Kulokuphila kwami lokulite ngikubone kokubili loku: Umuntfu lolungile ufela ekulungeni kwakhe, nemuntfu lomubi uphila sikhatsi lesidze ebubini bakhe.

Umshumayeli 8:13

Kodvwa kungeke kubahambele kahle lababi, futsi imphilo yabo ingeke yeluleke njengematfunti, ngobe bangamesabi Nkulunkulu.

Umshumayeli 8:7

Njengobe kute umuntfu lowati likusasa lakhe kutsi limphatseleni, ngubani nje longasho kutsi yini letakwenteka?

Umshumayeli 9:6

Kubo lutsandvo, nenzondo, nemona sekwaphela, bangeke baphindze babe nesabelo kuko konkhe lokwentiwako lapha emhlabeni.

Umshumayeli 9:9

Tijabulise ngekuphila nemfati wakho lomtsandzako, kuto tonkhe tinsuku letendlula ngekushesha, Nkulunkulu lakuphe tona lapha ngaphansi kwemtfunti welilanga. Ngobe phela loko sabelo sakho ekuphileni kwakho nasekukhandlekeni kwakho lapha ngaphansi kwemtfunti welilanga.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

YaJakobe 4:14

Ningakusho kanjani loko, njengobe ningalati likusasa lekuphila kwenu kutsi litawuba yini? Ngobe kuphila kwenu kunjengenkhungu, lechamuka ibonakale sikhashana, iphindze inyamalale.