Umshumayeli 6:10 - Siswati 1996 Bible

¹⁰ Konkhe lokukhona sekwetsiwa libito lako, nemvelo yemuntfu iyatiwa. Kute umuntfu longamelana nalonemandla kunaye.

Umshumayeli 6:10 Referencias Cruzadas

Genesisi 3:9

Kodvwa Nkulunkulu Simakadze wabita Adamu watsi: “Ukuphi?”

Jobe 33:13

Manje-ke, ukhononelani kuye, ube utsi akawaphendvuli emavi emuntfu?

Jobe 40:2

“Lona lophikisana naSomandla angamkhombisa yini indlela? Lowo lobeka Nkulunkulu licala akamphendvule!”

Jobe 9:32

“Nkulunkulu akasiye umuntfu njengami kutsi bengingaze ngiphendvulane naye, nekutsi bengingabukana naye buso nebuso enkhundleni.

Tihlabelelo 103:15

Emalanga emuntfu anjengetjani, uyabhahela njengembali yesiganga.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Umshumayeli 3:15

Konkhe lokukhona ngulokwake kwaba khona, naloko lokuyawuba khona sekwake kwaba khona, Nkulunkulu uyakubuyisa loko lekwake kwenteka kutsi kuphindze kwenteke ngesikhatsi sako.

Umshumayeli 6:11

Ngekwandza kwemavi, kwandza nebute bawo. Kona loko kumbuyiselani nje umuntfu?

Jeremiya 49:19

“Njengelibhubesi nalichamuka emahlatsini aseJordane liya eveni lelinemadlelo laluhlata, ngiyawubatuma base-Edomu, ngibacoshe eveni labo. Ngubani lokhetsiwe, lengiyawumbekela loku? Ngubani lonjengami? Kona nje ngubani longangicela insayeya? Ngumuphi umelusi longamelana nami?

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?