Umshumayeli 5:9 - Siswati 1996 Bible

⁹ Inala yemhlaba itfolwa ngibo bonkhe bantfu; ngisho nenkhosi imbala nayo iyabuyelwa nguloko lokutfolakala emhlabatsini.

Umshumayeli 5:9 Referencias Cruzadas

Tihlabelelo 115:16

Emazulu ayindzawo yaSimakadze, yena yedvwa, kodvwa umhlaba wawuniketela kubantfu.

Taga 13:23

Umhlaba walomphofu ungaba nesivuno lesinyenti; kodvwa bantfu lababi bayamvimbela kutsi awulime.

Taga 28:19

Umuntfu lowulimako umhlaba wakhe uhlala anenala; kodvwa lolibala kulandzelana nemisebenti lelite uyakwesutsa bumphofu.

Umshumayeli 4:8

Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Umshumayeli 5:10

Umuntfu lotsandza imali akeneliseki ngayo; nemuntfu lotsandza bunjinga lobukhulu akeneliswa nguloko lakutfolile. Nako loko kulite.

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Umshumayeli 6:7

Yonkhe imitamo yemuntfu ngeyekutfola kudla, noko lutsandvo lwekudla alweneliseki.