Umshumayeli 5:10 - Siswati 1996 Bible

¹⁰ Umuntfu lotsandza imali akeneliseki ngayo; nemuntfu lotsandza bunjinga lobukhulu akeneliswa nguloko lakutfolile. Nako loko kulite.

Umshumayeli 5:10 Referencias Cruzadas

Tihlabelelo 52:1

Wena sichwaga, utigabatiselani ngalokubi? Umusa waNkulunkulu uyawuma kuze kube phakadze.

Tihlabelelo 52:7

“Ase nibuke, naso phela sichwaga lesingazange simente Nkulunkulu abe yinqaba yaso, kodvwa setsembela ebunyentini bengcebo yaso, sifuna kuba nemandla ngebunyoka baso.”

Tihlabelelo 62:10

Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.

Umshumayeli 1:17

Ngatimisela engcondvweni yami kukwati kuhlakanipha, nebuhlanya nebulima, kodvwa ngefika lapho ngibona khona kutsi nako loko kufanana nekucosha umoya.

Umshumayeli 1:8

Tonkhe tintfo tiyadzinana, kute umuntfu longatichaza. Liso alizange leneliswe kubuka, kantsi nendlebe ayigcwali ngekuva.

Umshumayeli 2:10

Konkhe emehlo ami labefisa kukubuka, ngangiwanika kona. Angizange ngitibambe ngisho nakukunye kutijabulisa. Ngatijabulisa ngawo wonkhe umsebenti wami; loku kwaba ngumvuzo wami ngawo wonkhe umsebenti wami.

Umshumayeli 2:11

Ngako ngesuka lapho ngayibukisisa kahle yonkhe imisebenti yetandla tami, wonkhe umshikashika nekukhandleka kwami bekulite, kufanana nekucosha umoya! Kute lokwaba yinzuzo lapha ngaphansi kwemtfunti welilanga.

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.

Umshumayeli 3:19

Ngobe siphetfo semuntfu siyafanana nesiphetfo setilwane; kokubili kumelwe siphetfo lesifananako: Njengobe lokunye kufa, naloku lokunye kuyafa. Konkhe kunemiphefumulo lefananako, umuntfu kute lancono ngako kunesilwane. Ngako konkhe kulite.

Umshumayeli 4:16

Bangaba banyenti kabi bantfu labangabuswa yinkhosi. Kodvwa itawutsi ingakhotsama, bantfu bangakubongi loko lekwentile. Nako loko kulite, kufanana nekucosha umoya.

Umshumayeli 4:4

Ngabona kutsi wonkhe umshikashika nako konkhe kuphumelela kwemuntfu kusukela ekuhawukeleni kwakhe lutfo kumakhelwane wakhe. Nako loko kulite, kufanana nekucosha umoya.

Umshumayeli 4:8

Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Umshumayeli 5:9

Inala yemhlaba itfolwa ngibo bonkhe bantfu; ngisho nenkhosi imbala nayo iyabuyelwa nguloko lokutfolakala emhlabatsini.

Umshumayeli 6:7

Yonkhe imitamo yemuntfu ngeyekutfola kudla, noko lutsandvo lwekudla alweneliseki.

Matewu 6:19

“Ningatibekeli umcebo wenu lapha emhlabeni, ngobe umvunya nekutfomba kutawudla, nemasela angagcekeza awube.

Matewu 6:24

“Kute umuntfu longakhonta emakhosi lamabili; ngobe uyakutondza lenye, atsandze lenye; uyakwetsembeka kulenye ayedzelele lenye. Ungeke ukhonte Nkulunkulu nemcebo.

Lukha 12:15

Watsi kubo: “Caphelani, nikubalekele konkhe kufisa lokubi; ngobe imphilo yemuntfu ayinconotiswa bunjinga bakhe.”

1 kuThimothi 6:10

Phela kutsandza imali kuyimphandze yako konkhe lokubi; labanye-ke ngekuyifisa kwabo bedukile, bakhwesha ekukholweni, batigwaza ngeminjunju yebuhlungu leminyenti.