Umshumayeli 4:13 - Siswati 1996 Bible

¹³ Uncono umuntfu lomusha lophuyile nalohlakaniphile kunenkhosi lendzala lesilima nalengasatitsatsi teluleko.

Umshumayeli 4:13 Referencias Cruzadas

Genesisi 37:2

Lona-ke ngumlandvo wesitukulwane saJakobe. Josefa, labesaneminyaka leli-17, abelusa timvu netimbuti kanye nabomnakabo bekutalwa nguBilha, naZilpha, bafati beyise. Josefa abeletsa umbiko kuyise ngaloko lokubi lababekwenta.

1 Emakhosi 22:8

Inkhosi Ahabi yaphendvula Jehoshafati, yatsi: “Usekhona munye lesingabuta ngaye kuSimakadze, kodvwa ngiyamenyanya, ngobe akaze nje aphrofethe lokuhle ngami, kodvwa uphrofetha lokubi kodvwa. NguMikhaya, umsa waJimla.” Jehoshafati waphendvula watsi: “Inkhosi ayikafaneli kukusho loko.”

2 Tikhronike 25:16

Watsi asakhuluma lomphrofethi, inkhosi yamjuba lulwimi yatsi: “Sesikubeke kutsi ube ngumeluleki wenkhosi yini wena? Thula! Ulahleka phansi khona nyalo!” Lomphrofethi wathula, kodvwa waloyela watsi: “Manje ngiyati kutsi Nkulunkulu sewumise kutsi akubulale, ngobe wente loku, wangete wasitsatsa seluleko sami.”

Taga 19:1

Kuncono kuba luphuya wetsembeke kunekutsi ube silima lesicalemanga.

Taga 28:6

Kuncono kuba mphofu kodvwa ube wetsembekile, kunekutsi ucebe ube ungaketsembeki.

Umshumayeli 4:12

Nangabe umuntfu ayedvwa, angehlulwa nakahlaselwa; kantsi nabababili bangativikela. Intsambo lenemicu lemitsatfu ayisheshi idzabuke.

Umshumayeli 7:19

Kuhlakanipha kwenta umuntfu munye abe nemandla kakhulu kunebabusi belidolobha labalishumi.