Umshumayeli 3:6 - Siswati 1996 Bible

⁶ sikhatsi sekufuna nesikhatsi sekuyekela, sikhatsi sekulondvolota nesikhatsi sekulahla,

Umshumayeli 3:6 Referencias Cruzadas

Genesisi 31:18

wayichuba yonkhe imfuyo yakhe kanye nako konkhe kwakhe labekuholile eMesophothamiya, wancandzeka wabuyela kuyise, Isaka, eveni laseKhenani.

2 Emakhosi 5:26

Kodvwa Elisha wakhuluma kuye, watsi: “Umoya wami bewungekho edvute nawe yini ngesikhatsi lendvodza yehla encoleni yayo itekuhlangabeta? Lesikhatsi lesi ngiso yini sikhatsi sekwemukela timali, netimphahla, nemasimi emncumo, netivini, nemihlambi yetimbuti, neyetimvu, neyetinkhomo, netinceku, netincekukati?

2 Emakhosi 7:15

Bawalandzela emaSiriya, baze bayawufika ngasemfuleni iJordane; babehambe bakhandza timphahla tekwembatsa naletinye nje timphahla letatihambe tisakatwa ngemaSiriya kuyo yonkhe indlela ngesikhatsi abalekela ema-Israyeli.

2 Emakhosi 8:9

Hazayeli wahamba wayawuhlangabeta Elisha, wachuba nalesipho bekayakumnika sona setfwelwe ngemakamela langema-40. Kwakusipho lesasitinhlobonhlobo tetintfo leticolisakele taseDamaseko. Wangena wema embikwakhe, watsi: “Indvodzana yakho Bheni Hadadi, inkhosi yemaSiriya, ingitfume kutsi ngitewubuta kutsi itawusindza yini kulokugula.”

Tihlabelelo 112:9

Labamphofu ubapha ngekukhululeka; kulunga kwakhe kuyawuma kuze kube phakadze. Uyawuba nemandla, ahlonipheke.

Umshumayeli 11:1

Jika sinkhwa sakho emantini, ngobe utawuphindze usitfole emvakwemalanga lamanyenti.

Umshumayeli 3:5

sikhatsi sekusakata ematje nesikhatsi sekuwabutsa, sikhatsi sekugona nesikhatsi sekuchilita,

Umshumayeli 3:7

sikhatsi sekudzabula nesikhatsi sekuchibela, sikhatsi sekubindza nesikhatsi sekukhuluma,

Isaya 2:20

Ngalelo langa bantfu bayawulahla tithico tabo emagundvwaneni nasemalulwaneni; yebo, tithico tabo tesiliva kanye netithico tabo tegolide, lababetentele kutikhonta.

Jona 1:5

Onkhe ematilosi efikelwa kwesaba lokukhulu, kwaba ngulelo nalelo lakhala kunkulunkulu walo. Batijika elwandle timphahla letatisemkhunjini, batsi betama kuwuphungula umkhumbi. Kepha Jona abewukele ngaphansi ekhatsi nemkhumbi, akulobukhulu butfongo.

Matewu 19:29

Wonkhe lodzele tindlu, nome bomnakabo, nome bodzadzewabo, nome uyise, nome unina, nome bantfwana, nome emasimi ngenca yami, uyakwemukela ngalokuphindvwe kanyenti, adle nelifa lekuphila lokuphakadze.

Imisebenti yebaPhostoli 27:19

Kwatsi ngelilanga lesitsatfu bachubeka banyomula letinye tigcobo temkhumbi letatisindza batilahla bona ngetandla tabo.

Imisebenti yebaPhostoli 27:38

Kwatsi nase sidle sonkhe sesutsa, kwase kuphungulwa umkhumbi ngekulahla kolo emantini.