Umshumayeli 3:16 - Siswati 1996 Bible

¹⁶ Ngetulu kwaloko kukhona lokunye lengaphindze ngakubona lapha ngaphansi kwemtfunti welilanga: lapho kwakufanele kusebenta khona umtsetfo, kwasebenta umonakalo; lapho kwakufanele kusebente khona kulunga, kwasebenta umonakalo.

Umshumayeli 3:16 Referencias Cruzadas

Umshumayeli 4:1

Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.

Umshumayeli 5:7

Kwandza kwemaphupho nemavi lamanyenti kulite. Ngako wena yesaba Nkulunkulu.

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Umshumayeli 8:9

Konkhe loku ngakubona ngisacabangisisa ngako konkhe lokwenteka lapha ngaphansi kwemtfunti welilanga. Sikhona sikhatsi lapho umuntfu usuke atihlisibete etikwalabanye kantsi utilimata yena.

Isaya 59:14

Ngako kwehlulela ngebucotfo kukhweshiselwe emuva, nekulunga kume khashane, liciniso likhubatele etindleleni, kwetsembeka akusangeni ndzawo.

Mikha 2:2

Nabafuna emasimi, bavele bawatsatse ngendlovuyangena; nabafuna tindlu, bavele batidle. Kute namunye lonemndeni lovikelekile, nome lonelutfo loluphephile.

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Matewu 26:59

Baphristi labakhulu neLiqoqo lonkhe baphenyisisa Jesu bafuna bufakazi lobungemanga, khona batewumlahla ngelicala lekufa.

Imisebenti yebaPhostoli 23:3

Pawula watsi kuye: “Nakanjani Nkulunkulu utakumukula nawe, wena ludvonga-ndzini lolupendwe lwaba mhlophe! Kantsi uhlalele kwehlulela mine ngekwemtsetfo, kodvwa wena ube uwephula ngekubatjela kutsi abangimukule?”

YaJakobe 2:6

Kepha nine nimdvumatile lona lophuyile. Akusibo labacebile yini labanicindzetelako? Akusibo yini labo labanimangalela etinkantolo?