Umshumayeli 2:8 - Siswati 1996 Bible

⁸ Ngabutsisa ndzawonye isiliva negolide kanye nengcebo yemakhosi neyemave. Ngatibutsela bahlabeli labadvuna nalabasikati nako konkhe umuntfu langahle atijabulise ngako.

Umshumayeli 2:8 Referencias Cruzadas

2 Samuweli 19:35

Manje sengineminyaka lengema-80 budzala. Angisakwati kwehlukanisa lokubi kulokuhle. Angisabuva nebumnandzi bekunambitseka kwalengikudlako nalengikunatsako. Angisaweva nemaphimbo alabadvuna nalabasikati labahlabelelako. Sengingaba ngumtfwalo welite nje enkhosini yami, inkhosi.

1 Emakhosi 10:10

Indlovukazi yase ipha inkhosi Solomoni igolide leyayingemakhilogremu labengaba ti-4 000, nemidlidlimba yetinandzisi kanye nematje laligugu. Akuzange kuphindze kufike tinandzisi letase taba tinyenti kwendlula leto letake tetfulwa yindlovukazi yaseSheba enkhosini Solomoni.

1 Emakhosi 10:14

Njalo nje ngemnyaka Solomoni abemukela igolide leyayingemakhilogremu labengaba ti-23 000,

1 Emakhosi 10:21

Tonkhe tindzebe taSolomoni tekunatsa tatentiwe ngegolide, kantsi tonkhe tintfo talapha endlini yeLihlatsi laseLebanoni tatentiwe ngegolide lecengekile. Kute nakunye lokwakwentiwe ngesiliva, ngobe isiliva yayingakabaluleki kakhulu ngaleto tikhatsi taSolomoni.

1 Emakhosi 11:3

Abenemakhosikati labengema-700 labetalwa ngemakhosi. Tingani takhe tatingema-300. Emakhosikati akhe amphambukisa.

1 Emakhosi 14:27

Ngako Rehobowamu, inkhosi, wenta emahawu elitfusi kutawutsatsa sikhundla salawa egolide, wase uwetfula esandleni setindvuna tabogadzi basekungeneni kwesigodlo.

1 Emakhosi 9:14

Hiramu abesatfumele kuSolomoni igolide leyayingemakhilogremu labengaba ti-4 000.

1 Emakhosi 9:28

Abehamba ngemkhumbi aye e-Ofiri, abuye negolide leyayingemakhilogremu langetulu kweti-14 000, afike ayetfule enkhosini Solomoni.

1 Tikhronike 25:1

Davide kanye netindvuna takhe letatiphetse emaLevi behlukanisela emadvodzana a-Asafa, naHemani, naJeduthuni, bawehlukanisela inkonzo yekuphrofetha, kwanandziswa ngemahabhu, nengemalire, nangemasimbali. Luhla lwalamadvodza lenta lomsebenti bekungulolu:

1 Tikhronike 25:6

Onkhe-ke lamadvodza abengaphansi kwemitsetfo yaboyise mayelana nemculo wasendlini yaSimakadze, imiculo lenemasimbali, nemalire, nemahabhu enkonzweni yasendlini yaSimakadze. Bo-Asafa, naJeduthuni, naHemani babengaphansi kwemtsetfo wenkhosi.

2 Tikhronike 9:11

Inkhosi yasebentisa letingodvo te-almugi ekwakheni titebhisi telithempeli laSimakadze kanye netesigodlo, nasekwenteni emahabhu, nemalire ebahlabeli. Kute intfo lenjalo leyayike yabonwa kulo lonkhe lakaJuda.]

Ezra 2:65

ngaphandle kwetisebenti letidvuna naletisikati letatiti-7 337; ngetulu kwabo bekunebahlabeli labadvuna nalabasikati lababengema-200.

Umshumayeli 1:2

“Lite lelite!” kusho uMshumayeli. “Kulite mbamba! Konkhe kulite.”

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Danyela 3:5

Kutawutsi kungevakala kukhala kwempalampala, nekwemntjingozi, nekwezitha, nekwelire, nekwehabhu, nekwetimveve, nekwato tonkhe tinhlobo tekuhlabela, kufanele niwe phansi nikhotsame kulesithico segolide lesimiswe yinkhosi Nebukhadnezari.

Danyela 3:7

Ngako-ke batsi kube beve umsindvo wempalampala, newemntjingozi, newezitha, newelire, newehabhu, newato tonkhe tinhlobo tekuhlabela, bonkhe bantfu, netive, nebantfu bato tonkhe tilwimi bawa phansi bakhotsama kulesithico segolide lesasimiswe yinkhosi Nebukhadnezari.

Amose 6:5

Nanihlabela, nigubhutelisa emahabhu enu, nitakhele nine imintjingozi yemculo njengaDavide.