Umshumayeli 2:7 - Siswati 1996 Bible

⁷ ngatsenga tigcili letidvuna naletisikati, kantsi futsi nganginaleti letatalelwa khona ekhaya kami. Ngetulu kwaloko ngangifuyile, nginemihlambi yetinkhomo, neyetimbuti, neyetimvu, ngendlula bonkhe laba labake bahlala kucala kunami eJerusalema.

Umshumayeli 2:7 Referencias Cruzadas

Genesisi 13:2

Abrama abesacebe kakhulu: asanemfuyo, nesiliva, negolide.

Genesisi 14:14

Abrama watsi kube eve kutsi umntfwanemnakabo bamtfumbile, wabutsa emadvodza labetalelwe ekhaya lakhe labececeshelwe timphi. Asawonkhe abesangema-318. Abrama nalamadvodza wacosha lamakhosi lamane wadzimate wawefikisa ngakaDani.

Genesisi 15:3

Abrama wachubeka watsi: “Ase ubuke nje, awungiphanga ntalo, lesisebenti lesesitalelwe la endlini yami ngiso lesitawuba yindlalifa yami.”

1 Emakhosi 4:23

netinkhomo letatikhuluphalisiwe letilishumi, netinkhomo temadlelo letingema-20, netimvu netimbuti letilikhulu, nenyamatane, netimphala, nemadvuba, kanye netinkhukhu telikhetselo.

2 Emakhosi 3:4

Mesha, inkhosi yakaMowabi, abefuye timvu, abevamise kwetfula enkhosini yaka-Israyeli emazinyane ato lati-100 000 kanye navolo wetihhanca letiti-100 000.

2 Tikhronike 26:10

Waphindze wakha leminye imibhoshongo ehlane, wemba nemitfombo leminyenti, ngobe abefuye kakhulu, abenemihlambi leminyenti emaceleni etintsaba kanye nasematsafeni. Abenebantfu lababemsebentela emasimini, nasetivinini takhe etintsabeni kanye nasetindzaweni letivundzile, ngobe abetitsandza tekulima.

Ezra 2:55

Titukulwane tetisebenti takaSolomoni tona: bekutitukulwane takaSothayi, netakaHasoferethi, netakaPheruda,

Ezra 2:58

Tisebenti telithempeli kanye netitukulwane tetisebenti takaSolomoni betingema-392.

Nehemiya 7:57

Titukulwane tetisebenti takaSolomoni tona: bekutitukulwane takaSothayi, netakaSofereti, netakaPheruda,

Jobe 1:3

abefuye timvu letatiti-7 000, nemakamela lati-3 000, netinkhabi letiboshelwako letiyinkhulungwane, netimbongolo letinsikati letatingema-500 kanye netisebenti letinyenti kakhulu. Lendvodza yayidvume ngebunjinga lobukhulu, yendlula onkhe emadvodza asemphumalanga.

Jobe 42:12

Simakadze imphilo yaJobe yamuva wayibusisa kakhulu kwengca yakucala. Abenetimvu letiti-14 000, nemakamela lati-6 000, netinkhabi letitinkhulungwane letimbili, netimbongolo letiyinkhulungwane.

Lukha 12:45

kodvwa nangabe lesisebenti sicabange satsi: ‘Inkhosi yami isalibele,’ bese sishaya tonkhe letinye tisebenti, letidvuna naletisikati, sihlaphate kudla, sinatse sidzakwe,