Umshumayeli 2:6 - Siswati 1996 Bible

⁶ ngatakhela emadamu ekunisela lamahlatsi etihlahla letikhulako,

Umshumayeli 2:6 Referencias Cruzadas

Nehemiya 2:14

Ngangisuka lapho ngicondze ngaseSangweni Lemtfombo nangaseChibini Lenkhosi, noko lembongolo lengangiyigibele yehluleka kutfola indlela ngenca yemfuhlumfuhlu leyayivimbe indlela,

Nehemiya 2:8

Ngicela nencwadzi leya ku-Asafa, umgcini welihlatsi lenkhosi, kutsi angiphe tingodvo tekwakha emasango enqaba leseceleni kwelithempeli kanye netekwakha lubondza lwelidolobha nendlu lengitawube ngihleti kuyo.” Njengobe sandla semusa saNkulunkulu wami sasisetikwami, inkhosi yavele yanginika konkhe loko lengangikucelile.

Nehemiya 3:15

LiSango Lemtfombo lavuswa nguShalumi, umsa waKholi Hoze, umbusi wesifundza saseMispa, walivusa walifulela, wafaka tivalo talo kanye nemavelevele alo nemishudvo yalo endzaweni yayo. Waphindze wavusa lubondza ngaseChibini laseSilowama ngasengadzeni yenkhosi, kuze kuyewufika ngasetitebhisini letewuka tisuka eDolobheni laDavide.

Nehemiya 3:16

Eceleni kwakhe bekunguNehemiya, umsa wa-Azbuki, umbusi wencenye yesifundza saseBhethi Suri, lowaluvusa waze wefika macondzana nemadliza akaDavide, nasechibini lekwakhiwa, naseNdlini Yemachawe.

Tihlabelelo 1:3

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Ingoma Yetingoma 7:4

Intsamo yakho injengembhoshongo lowakhiwe ngematinyo endlovu. Emehlo akho angemachibi aseHeshboni ngasesangweni laseBhathi Rabhimu. Likhala lakho linjengembhoshongo waseLebanoni lobuke ngaseDamaseko.

Jeremiya 17:8

Uyawufanana nesihlahla lesihlanyelwe ngasemfuleni wemanti, lesenabisela timphandze taso ngasemfuleni. Asesabi nakuta kushisa, emacembe aso ahlala aluhlata. Asihlupheki nangemnyaka wesomiso, asihlali singatseli titselo taso.”