Umshumayeli 2:5 - Siswati 1996 Bible

⁵ Ngahlanyela tingadze, ngakha netindzawo tekuphumula, ngahlanyela tonkhe tinhlobo tetihlahla tetitselo lapha ngekhatsi kuletingadze,

Umshumayeli 2:5 Referencias Cruzadas

Nehemiya 2:8

Ngicela nencwadzi leya ku-Asafa, umgcini welihlatsi lenkhosi, kutsi angiphe tingodvo tekwakha emasango enqaba leseceleni kwelithempeli kanye netekwakha lubondza lwelidolobha nendlu lengitawube ngihleti kuyo.” Njengobe sandla semusa saNkulunkulu wami sasisetikwami, inkhosi yavele yanginika konkhe loko lengangikucelile.

Ingoma Yetingoma 4:12

Utungeletwe ngelutsango njengengadze, dzadzewetfu, makoti wami. Usiyalu lesakhelwe lutsango, umtfombo lobekwe luphawu.

Ingoma Yetingoma 4:13

Tilimo takho tilihlatsi lemahananandza lanetitselo telikhetselo, nehena, nenadi,

Ingoma Yetingoma 4:16

Vuka, moya wasenyakatfo, ute nawe, moya waseningizimu! Hhusha etikwengadze yami, kuze kutsaphuka kwemakha ayo kwandze kabanti. Longitsandzako akete engadzeni yakhe atewunambitsa titselo tayo telikhetselo.

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Ingoma Yetingoma 6:2

Longitsandzako wami wehlele engadzeni yakhe, emibhedzeni yetitfombo tetinandzisi, kuyekwelusa umhlambi wakhe etingadzeni kanye nekubutsa iminduze.

Jeremiya 39:4

Kwatsi Sedekiya, inkhosi yakaJuda, nawo onkhe emabutfo nakatibona letiphatsimandla, babaleka; baphuma kulelidolobha ebusuku, babaleka ngendlela yengadze yenkhosi, ngelisango lelisemkhatsini wetibondza letimbili, babhekisa emabombo kuyo i-Arabha.