Umshumayeli 2:16 - Siswati 1996 Bible

¹⁶ Kukhunjulwa kwesihlakaniphi akukwendluli ngalutfo kukhunjulwa kwesilima, ngobe ngekuhamba kwemalanga bobabili bayawukhohlakala. Lohlakaniphile nalosilima bafa kufa kunye!

Umshumayeli 2:16 Referencias Cruzadas

2 Samuweli 3:33

Inkhosi yahlabela sililo sa-Abneri, yatsi: “Abneri bekufanele yini afe njengemuntfu losilima?

Tihlabelelo 103:16

Ngesikhatsi umoya uphephetsa wendlule etikwayo, kube kuphela kwayo njalo, ingeke iphindze yatiwe kuleyo ndzawo.

Tihlabelelo 49:10

Yebo, wonkhe umuntfu uyabona kutsi netihlakaniphi tiyafa njengobe tilima netiphukuphuku tifa, tishiye ingcebo yato kutsi idliwe ngulabanye.

Tihlabelelo 88:12

Timangaliso takho tingatiwa yini ebumnyameni? Kulunga kwakho kuyatiwa yini eveni lalabo labangasakhumbuli?

Eksodusi 1:6

Ngekuhamba kwesikhatsi boJosefa, nabomnakabo, nalo lonkhe lelo butfo labo, lafa laphela.

Eksodusi 1:8

Kwase kubekwa inkhosi lensha eGibhithe, leyayingati lutfo ngaJosefa.

Taga 14:8

Kuhlakanipha kwemuntfu locotfo kumholela endleleni lelungile; kodvwa tilima tedukiswa bulima bato.

Umshumayeli 1:11

Bantfu bakadzeni abakhunjulwa, nalabo labalandzelako abayiwukhunjulwa ngulabo lababalandzelako.

Umshumayeli 2:14

Umuntfu lohlakaniphile uyabona lapho aya khona, kodvwa silima sona sihamba ebumnyameni; noko ngase ngiyabona kutsi bobabili befikelwa siphetfo lesifananako.

Umshumayeli 2:15

Ngabe sengicabanga enhlitiyweni, ngatsi: “Ngisho nami imbala siphetfo sesilima siyakungifikela. Pho, kungisita ngani kuhlakanipha kwami?” Ngacabanga enhlitiyweni yami, ngatsi: “Nako loko kulite.”

Umshumayeli 6:8

Umuntfu lohlakaniphile uncono ngani kunemuntfu losilima? Umuntfu lophuyile utfolani ngekwati kutiphatsa kahle embikwebantfu?

Umshumayeli 7:2

Kuncono kuya endlini lapho kulilwa khona kunekuya endlini lapho kunelidzili khona, ngobe kufa kusiphetfo sabo bonkhe bantfu; labo labaphilako kufanele bakufake enhlitiyweni yabo loko.

Umshumayeli 8:10

Ngase ngabona lababi, babengcwatjwa, labo babephuma bangena endzaweni lengcwele babatjatwe badvunyiswe edolobheni lapho bebakwenta khona loko. Nako loko kulite.

Umshumayeli 9:15

Kwakukhona indvodza lemphofu kulelo dolobha leyayinekuhlakanipha; yona yodvwa nje ngekuhlakanipha kwayo yalisindzisa lelidolobha. Kodvwa kwabate namunye lowakhumbula lutfo ngaleyo ndvodza.

Umshumayeli 9:5

Liciniso, labaphilako bayati kutsi batakufa, kodvwa labafile abati lutfo; sebate umvuzo, abasakhunjulwa ngisho nekukhunjulwa.

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

KumaHebheru 9:27

Bantfu bamiselwe kutsi bafe kanye, bese kutsi emvakwaloko bayekwehlulelwa.