Umshumayeli 2:13 - Siswati 1996 Bible

¹³ Ngabona kutsi kuhlakanipha kuncono kunebulima, njengobe nekukhanya kuncono kunebumnyama.

Umshumayeli 2:13 Referencias Cruzadas

Tihlabelelo 119:105

Livi lakho lisibane etinyaweni tami, likukhanya endleleni yami.

Tihlabelelo 119:130

Kwembuleka kwemavi akho kuveta kukhanya, kuletse kuhlakanipha kulabangenakucondza.

Taga 14:8

Kuhlakanipha kwemuntfu locotfo kumholela endleleni lelungile; kodvwa tilima tedukiswa bulima bato.

Taga 16:16

Kuncono kuzuza kuhlakanipha kunekuzuza igolide; kuncono nekukhetsa kucondza kunekuzuza isiliva.

Umshumayeli 10:10

Nangabe lizembe lisidlindzi lingakacali lalolwa, umuntfu kudzingeka asebentise emandla lamakhulu; kodvwa likhono liletsa imphumelelo.

Umshumayeli 11:7

Kukhanya kwelilanga kumnandzi, nekubonakala kwenhlavu yelilanga kuyawajabulisa emehlo.

Umshumayeli 7:19

Kuhlakanipha kwenta umuntfu munye abe nemandla kakhulu kunebabusi belidolobha labalishumi.

Umshumayeli 9:16

Ngako enhlitiyweni yami ngatsi: “Kuhlakanipha kuncono kunetikhwepha.” Kodvwa lokuhlakanipha kwalomuntfu lomphofu kwatsatselwa phansi, nemavi akhe akazange anakwe ngumuntfu.

Umshumayeli 9:18

Kuhlakanipha kuncono kunetikhali temphi, kodvwa soni lesisodvwa sibhubhisa lokuhle lokukhulu, lokwentiwe kahle.

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”

Matewu 6:23

Kodvwa nangabe liso lakho lingaphili, nemtimba wakho wonkhe uyakubasebumnyameni. Ngako-ke nangabe kukhanya lokukuwe kubumnyama, bukhulu-ke bumnyama lobukuwe.”

Kubase-Efesu 5:8

Ngobe kucala nanibumnyama, kepha nyalo senikukhanya eNkhosini. Hambani njengebantfwana bekukhanya.