Umshumayeli 12:1 - Siswati 1996 Bible

¹ Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

Umshumayeli 12:1 Referencias Cruzadas

Genesisi 39:2

Simakadze waba naJosefa wamphumelelisa kuko konkhe. Josefa abehlala kalomnumzane waseGibhithe.

Genesisi 39:23

Umgcinijele akazange aphindze ahlupheke ngaloko lokwakungaphansi kwesandla saJosefa, ngobe Simakadze abenaye, futsi konkhe labekwenta Josefa Simakadze abekuphumelelisa.

2 Samuweli 19:35

Manje sengineminyaka lengema-80 budzala. Angisakwati kwehlukanisa lokubi kulokuhle. Angisabuva nebumnandzi bekunambitseka kwalengikudlako nalengikunatsako. Angisaweva nemaphimbo alabadvuna nalabasikati labahlabelelako. Sengingaba ngumtfwalo welite nje enkhosini yami, inkhosi.

2 Samuweli 19:36

Angikasifaneli sibongo lesikhulu kangaka. Ngako ngitakuphekeletela libangana nje, nasewewele iJordane.

1 Emakhosi 14:13

Sonkhe sive saka-Israyeli sitamlilela, simngcwabe. Nguye yedvwa umntfwana waJerobowamu lotawungcwatjwa, ngobe nguye yedvwa endlini yakaJerobowamu Simakadze Nkulunkulu waka-Israyeli lamtfole anentfo lenhle.

1 Emakhosi 18:12

Angati kutsi Moya waSimakadze utakwetfwala akuyisephi, mine nangisuka lapha kuwe. Nangingahamba ngiyewutjela Ahabi, afike lapho angasakukhandzi, utangibulala. Noko mine, nceku yakho, Simakadze ngimkhonte kusukela ebusheni bami.

Nehemiya 4:14

Ngatsi nangibuka, ngabona kutsi bantfu bakhatsatekile, ngako ngakhuluma kubo, nakubaholi babo netindvuna tabo, ngatsi: “Ningatesabi letitsa tenu. Khumbulani kutsi Simakadze mkhulu kangakanani nekutsi futsi wesabeka kangakanani. Nine nje kufanele nilwe nivikele bantfu besive sakini, nebantfwabenu, nebafati benu kanye nemakhaya enu.”

Jobe 30:2

Ngangingatfolani nje ngemsebenti wetandla tabo, bantfu lababemandla abo esukile kubo?

Tihlabelelo 119:55

Ebusuku ngikhumbula libito lakho, Simakadze, ngizindle ngemtsetfo wakho.

Tihlabelelo 34:11

Wotani, bantfwabami, ningilalele, ngitanifundzisa kumesaba Simakadze.

Tihlabelelo 63:6

Nangilele ngiyakukhumbula; nangicwashile ebusuku ngizindla ngawe,

Tihlabelelo 90:10

Iminyaka yekuphila kwetfu ingiminyaka lengemashumi lasikhombisa, nangabe sisacinile iba ngiminyaka lengemashumi lasiphohlongo; noko linyenti laleyo minyaka seliphetse kuhlupheka nelusizi. Kuphila kwetfu kwendlula ngekushesha, yebo, siyandiza sihambe.

Taga 22:6

Khulisa umntfwana ngendlela lekufanele aphile ngayo; kuyakutsi nome asakhulile angesuki kuyo.

Taga 8:17

Ngiyabatsandza laba labangitsandzako, nalabo labangifunisisako bayangitfola;

Umshumayeli 11:10

Ngako-ke cosha kungeneliseki engcondvweni yakho, utsintsitse tinhlupheko emtimbeni wakho, ngobe busha nekucala kwemphilo kulite nje.

Umshumayeli 11:2

Yaba timphahla takho tekutsengiswa kulabasikhombisa, yebo, kulabasiphohlongo, ngobe awati kutsi yini lengahle yehlele umhlaba.

Umshumayeli 11:8

Nangabe umuntfu aphiwe iminyaka leminyenti yekuphila emhlabeni, akatijabulise ngayo yonkhe, kodvwa noko akakhumbule kutsi ayeta emalanga lamanyenti ebumnyama. Konkhe lokutako kuyawuba lite lelite.

Isaya 26:8

Yebo, Simakadze, sihamba endleleni yemitsetfo yakho, silindzela wena; Libito lakho neludvumo lwakho ngutona tifiso tetinhlitiyo tetfu.

Sililo 3:27

Kuhle kumuntfu kutsi etfwale lijoko ngesikhatsi asesemusha.

Danyela 1:17

Lamajaha lamane Nkulunkulu wawanika lwati nekucondza kwato tonkhe tinhlobo temfundvo netetincwadzi letatibhaliwe. Danyela abesayicondza yonkhe imibono nemaphupho ato tonkhe tinhlobo.

Hoseya 7:9

Betive bamunya emandla akhe, kodvwa yena akakuboni loko. Timvu setiyacatsatela enhloko yakhe, kodvwa yena akakunaki loko.

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Lukha 18:16

Kodvwa Jesu wababita labantfwana atsi: “Vumelani bantfwana bete kimi! Ningabavimbeli, ngobe umbuso waNkulunkulu walabanjalo.

Kubase-Efesu 6:4

Boyise ningabaphatsi kabi bantfwabenu, badzimate babe nenzondo, kodvwa bakhuliseni ngekubayala nangekubacondzisa ngemphilo yebuKhristu.

Dutheronomi 8:18

Kodvwa khumbula Simakadze Nkulunkulu wakho, ngobe nguye lokunika emandla ekukhitsita lomcebo, abuye agcizelele sivumelwane sakhe lasenta ngesifungo kuboyihlo njengalamuhla.

2 kuThimothi 3:15

nekutsi kusukela ebuntfwaneni bakho wayati imiBhalo lengcwele lenemandla ekuhlakaniphisa kube kusindziswa ngekukholwa nguKhristu Jesu.

1 Samuweli 1:28

Ngako manje sengimletse kuSimakadze. Kuko konkhe kuphila kwakhe utawuba waSimakadze.” Samuweli wabe sewukhonta Simakadze khona lapho.

1 Samuweli 16:7

Kodvwa Simakadze wakhuluma kuSamuweli, watsi: “Ungabheki kubukeka nebudze bakhe, ngobe yena ngimalile. Simakadze akabuki tona tintfo letinakwa ngumuntfu. Umuntfu ubuka lingaphandle lemuntfu, kodvwa Simakadze ubuka inhlitiyo.”

1 Samuweli 2:18

Samuweli abekhonta ethempelini laSimakadze, angumfanyana, avunula sidziya sebaphristi selineni lecolisakele.

1 Samuweli 2:26

Umfana Samuweli wachubeka wakhula ngesicu semtimba nasekutsandvweni nguSimakadze nasekutsandzekeni kubantfu.