Umshumayeli 10:1 - Siswati 1996 Bible

¹ Njengobe timphungane letifile tenta emakha abe neliphunga lelibi, kanjalo nebulima lobuncane nje benta kuhlakanipha neludvumo kulahlekelwe simo sako.

Umshumayeli 10:1 Referencias Cruzadas

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

Nehemiya 13:26

Akoniswanga nguko yini loku Solomoni, inkhosi yaka-Israyeli, ngekutsatsa bafati ngalendlela lefanana nalena? Kuto tonkhe tive kwakute inkhosi leyayifanana naye. Abetsandvwe nguNkulunkulu wakhe, kangangobe Nkulunkulu wadzimate wamenta inkhosi etikwaso sonkhe sive sema-Israyeli, kodvwa noko wadvonseleka esonweni ngenca yekutsatsa bafati betive.

Nehemiya 6:13

Abetsengelwe kutsi angesabise, khona ngitekwenta sono ngaloko, kuze phela ngitewuhlambalateka bese ngiyahlazeka.

Jobe 6:3

ngempela betingaba matima kwendlula sihlabatsi saselwandle, ngako-ke akumangalisi kutsi emavi ami ashube kangaka.

Eksodusi 30:25

bese wakha ngato emafutsa langcwele emgcobo, lahlanganiswe aba ngemakha, uwente njengengcweti yalomsebenti.

Umshumayeli 9:18

Kuhlakanipha kuncono kunetikhali temphi, kodvwa soni lesisodvwa sibhubhisa lokuhle lokukhulu, lokwentiwe kahle.

Hagayi 2:12

Nangabe umuntfu aphetse inyama leyehlukaniselwe Nkulunkulu ishumphetelwe engutjeni yakhe, bese kutsi lomphetfo wakhe utsintse sinkhwa, nome sitjulo, nome liwayini, nome emafutsa, nome lokunye nje kudla, kuyaye bese kuba ngulokwehlukaniselwe Nkulunkulu yini?’ ” Baphristi baphendvula, batsi: “Cha.”

Hagayi 2:13

Hagayi wabe sewutsi: “Nangabe umuntfu etfuke wangcoliswa kutsintsana nesidvumbu, bese utsintsa lokunye kwaletintfo, kuyaye bese kuba ngulokungcolile yini ngekwemtsetfo?” Baphristi baphendvula, batsi: “Yebo, kuyaye bese kuba ngulokungcolile.”