Umshumayeli 1:2 - Siswati 1996 Bible

² “Lite lelite!” kusho uMshumayeli. “Kulite mbamba! Konkhe kulite.”

Umshumayeli 1:2 Referencias Cruzadas

Jobe 11:12

Indvodza lesilima iyawucala kuba ngulehlakaniphile, mhlazana imbongolo yesiganga itala umuntfu.

Tihlabelelo 144:4

Umuntfu ufanana nemoya nje; emalanga ekuphila kwakhe afanana nesitfunti lesendlulako.

Tihlabelelo 89:47

Khumbula-ke kutsi sikhatsi sami singakanani emhlabeni. Bonkhe bantfu lowabadala bendlula njengemoya kulomhlaba.

Umshumayeli 11:10

Ngako-ke cosha kungeneliseki engcondvweni yakho, utsintsitse tinhlupheko emtimbeni wakho, ngobe busha nekucala kwemphilo kulite nje.

Umshumayeli 11:8

Nangabe umuntfu aphiwe iminyaka leminyenti yekuphila emhlabeni, akatijabulise ngayo yonkhe, kodvwa noko akakhumbule kutsi ayeta emalanga lamanyenti ebumnyama. Konkhe lokutako kuyawuba lite lelite.

Umshumayeli 12:8

UMshumayeli utsi: “Lite lelite, konkhe kulite.”

Umshumayeli 2:11

Ngako ngesuka lapho ngayibukisisa kahle yonkhe imisebenti yetandla tami, wonkhe umshikashika nekukhandleka kwami bekulite, kufanana nekucosha umoya! Kute lokwaba yinzuzo lapha ngaphansi kwemtfunti welilanga.

Umshumayeli 2:15

Ngabe sengicabanga enhlitiyweni, ngatsi: “Ngisho nami imbala siphetfo sesilima siyakungifikela. Pho, kungisita ngani kuhlakanipha kwami?” Ngacabanga enhlitiyweni yami, ngatsi: “Nako loko kulite.”

Umshumayeli 2:17

Ngako ngakutondza kuphila, ngobe konkhe lokwentiwako lapha ngaphansi kwemtfunti welilanga kuhlupheka kimi. Konkhe loku kulite, kufanana nekucosha umoya.

Umshumayeli 2:19

Empeleni ngubani lowatiko kutsi utawuba sihlakaniphi yini nome utawuba silima? Noko kutawuba nguye lotakwengamela tonkhe titselo temsebenti wami netebungcweti bami lapha ngaphansi kwemtfunti welilanga. Nako loko kulite.

Umshumayeli 2:21

Ngobe kunjalo, umuntfu umsebenti wakhe angawenta ngekuhlakanipha, nangelwati kanye nangekucophelela, kodvwa kufanele konkhe loko lokungekwakhe akushiyele umuntfu longakaze wakusebentela. Nako loko kulite nebubi lobukhulu.

Umshumayeli 2:23

Kuto tonkhe tinsuku tekuphila kwakhe, umsebenti wakhe yiminjunju nekuhlupheka; ngisho nasebusuku ingcondvo yakhe ayinako kuphumula. Nako loko kulite.

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.

Umshumayeli 2:8

Ngabutsisa ndzawonye isiliva negolide kanye nengcebo yemakhosi neyemave. Ngatibutsela bahlabeli labadvuna nalabasikati nako konkhe umuntfu langahle atijabulise ngako.

Umshumayeli 3:19

Ngobe siphetfo semuntfu siyafanana nesiphetfo setilwane; kokubili kumelwe siphetfo lesifananako: Njengobe lokunye kufa, naloku lokunye kuyafa. Konkhe kunemiphefumulo lefananako, umuntfu kute lancono ngako kunesilwane. Ngako konkhe kulite.

Umshumayeli 4:16

Bangaba banyenti kabi bantfu labangabuswa yinkhosi. Kodvwa itawutsi ingakhotsama, bantfu bangakubongi loko lekwentile. Nako loko kulite, kufanana nekucosha umoya.

Umshumayeli 4:4

Ngabona kutsi wonkhe umshikashika nako konkhe kuphumelela kwemuntfu kusukela ekuhawukeleni kwakhe lutfo kumakhelwane wakhe. Nako loko kulite, kufanana nekucosha umoya.

Umshumayeli 4:8

Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Umshumayeli 5:10

Umuntfu lotsandza imali akeneliseki ngayo; nemuntfu lotsandza bunjinga lobukhulu akeneliswa nguloko lakutfolile. Nako loko kulite.

Umshumayeli 6:11

Ngekwandza kwemavi, kwandza nebute bawo. Kona loko kumbuyiselani nje umuntfu?

KubaseRoma 8:20

Ngobe indalo ibekwe esimeni sebute, hhayi ngekutsandza kwayo, kodvwa ngentsandvo yalowo lowayibeka etsembeni