Umshumayeli 1:16 - Siswati 1996 Bible

¹⁶ Ngaticabangela ngatsi: “Mine ngikhulile, ngacokelela incumbi yekuhlakanipha, ngabendlula bonkhe labase babusela eJerusalema ngaphambi kwami; sengikubone kakhulu kuhlakanipha kanye nelwati.”

Umshumayeli 1:16 Referencias Cruzadas

1 Emakhosi 10:7

Kodvwa angizange ngitikholwe tonkhe letintfo ngidzimate ngefika ngatibonela ngewami emehlo. Ngempela, angizange ngitjelwe ngisho nencenye yako konkhe loku lengikubonako; kuhlakanipha kwakho nemcebo wakho kungetulu kwaloko lengakuva ngematekelo.

1 Emakhosi 4:30

Kuhlakanipha kwaSolomoni kwaba kukhulu kunekuhlakanipha kwato tonkhe tati tasemphumalanga netaseGibhithe.

1 Emakhosi 5:9

Lamadvodza akami atatidvonsa atewuse kusuka eLebanoni kuya elwandle, ngitawube sengiyatibopha ngitintantise elwandle ngeminyaba yato, ngiye ngitibeke lapho ufuna khona. Lapho ngitawube sengiyatehlukanisa ngitibeka eceleni, wena bese uyatitsatsa. Lengikucelako kuwe kutsi ungiphe kudla kwendlu yebukhosi bami.”

2 Emakhosi 5:20

Gehazi, inceku ya-Elisha, umuntfu waNkulunkulu, wacabanga watsi: “Inkhosi yami ihambise Namani, umSiriya, ngaphandle kwekumkhokhisa lutfo; ngabe ukwemukele loku abemnika kona. Ngifunga kuphila kwaSimakadze, mine ngitamlandzela, khona ngitawufike ngitsatse intfo letsite.”

2 Tikhronike 2:12

Akabongwe Simakadze, Nkulunkulu wema-Israyeli, uMdali welizulu nemhlaba. Uphe inkhosi Davide indvodzana lehlakaniphile, legcwele emasu ekuhlakanipha nekucondza, nyalo seyitilungiselela kwakha lithempeli laSimakadze, itakhele nesigodlo sayo.

Tihlabelelo 4:4

Nanitfukutsele ningoni, cabangisisani nisathulile etinhlitiyweni tenu, nisacambalele emacansini enu. Cabanga.

Tihlabelelo 77:6

Ngikhumbula kushaya ihabhu yami, ngizindle ngayo enhlitiyweni yami ebusuku, umoya wami ucabangisisa ubute utsi:

Umshumayeli 2:1

Ngacabanga enhlitiyweni yami, ngatsi: “Ngitatitika ngato tonkhe tinhlobo tenjabulo ngitsi ngiyatijabulisa, ngifuna kubona kutsi yini lenhle.” Kodvwa ngatfola kutsi naloko kulite.

Umshumayeli 2:15

Ngabe sengicabanga enhlitiyweni, ngatsi: “Ngisho nami imbala siphetfo sesilima siyakungifikela. Pho, kungisita ngani kuhlakanipha kwami?” Ngacabanga enhlitiyweni yami, ngatsi: “Nako loko kulite.”

Umshumayeli 2:9

Ngaba mkhulu, ngadvuma kakhulu, kwendlula bonkhe laba labase babusela eJerusalema kucala kunami. Kuko konkhe loko kuhlakanipha kwami kwakuloku kukimi.

Umshumayeli 3:17

Ngacabanga enhlitiyweni yami, ngatsi: “Nkulunkulu uyakwehlulela labalungile nalababi, ngobe kutawuba nesikhatsi sako konkhe lokwentiwako, nesikhatsi sawo wonkhe umsebenti.”

Jeremiya 22:14

Nako kulowo lokhuluma atsi: ‘Ngitatakhela sigodlo lesikhulu lesitawuba nemakamelo lamakhulu lasetulu.’ Ngako utentela emafasitelo lamakhulu kuso asembese ngemsedari, asihlobise nangalokubovu.

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”

KumaHebheru 5:14

Kudla lokucinile kwebantfu lasebakhulile, lasebanemicondvo lehlutekile, leseyikwati kwehlukanisa lokuhle nalokubi.