Umshumayeli 1:13 - Siswati 1996 Bible

¹³ Ngatimisela kutsi ngekuhlakanipha ngifundze ngiphenyisise ngako konkhe lokwentiwa emhlabeni. Maye, mkhulu umtfwalo Nkulunkulu lawetfwese bantfu!

Umshumayeli 1:13 Referencias Cruzadas

Genesisi 3:19

Uyawusebenta kamatima, ukujulukele kudla kwakho, udzimate ubuyele emhlabatsini, ngobe vele watsatfwa kuwo; njengobe ulutfuli, uyawubuyela elutfulini.”

Jobe 28:3

Umuntfu uyabucedza bumnyama, uphenyisisa aze afinyelele nasetingonini temhlaba, afunana nelitje lensimbi ebumnyameni lobukhulukati.

Tihlabelelo 111:2

Mikhulu imisebenti yaSimakadze! Iphenywa ngibo bonkhe labatfokota ngayo.

Taga 18:1

Umuntfu longakhoni kutihlanganisa nalabanye utatisa yena; uyatfukutsela nakayalwa.

Taga 18:15

Umuntfu lonengcondvo leyehlukanisako uyaluzuza lwati, nendlebe yalohlakaniphile ifunana nelwati.

Taga 23:26

Ndvodzana yami, ngilalele utigcine ngekunakekela tindlela tami.

Taga 25:2

Bukhosi baNkulunkulu bubonakala kuloko lakufihlile; kodvwa bukhosi bemakhosi busekuphenyisiseni tintfo.

Taga 4:7

Kucala kwekuhlakanipha, naku: Zuza kuhlakanipha, uzuze nekucondza, nome kukubitani.

Umshumayeli 1:17

Ngatimisela engcondvweni yami kukwati kuhlakanipha, nebuhlanya nebulima, kodvwa ngefika lapho ngibona khona kutsi nako loko kufanana nekucosha umoya.

Umshumayeli 11:5

Njengobe ungati kutsi umoya uvelaphi, nekutsi kwenteka kanjani kutsi umfati lotetfwele abe nemtimba lonemoya lophilako esiswini sakhe, kanjalo ungeke wati kutsi Nkulunkulu uMdali wako konkhe, usebenta kanjani.

Umshumayeli 12:12

Ndvodzana yami, caphela kungabikho lokwengetekako. Kubhalwa kwetincwadzi kungeke kuphele, kantsi nekufundza kakhulu kuyawudzinisa umtimba.

Umshumayeli 2:23

Kuto tonkhe tinsuku tekuphila kwakhe, umsebenti wakhe yiminjunju nekuhlupheka; ngisho nasebusuku ingcondvo yakhe ayinako kuphumula. Nako loko kulite.

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.

Umshumayeli 3:10

Ngiwubonile umshikashika Nkulunkulu lawunike bantfu kutsi bawente.

Umshumayeli 3:11

Konkhe ukwente kwalungela sikhatsi sako. Uphindze wabeka liphakadze etinhlitiyweni tebantfu; noko abakhoni kuyicondza imisebenti yaNkulunkulu kusukela ekucaleni kwayo kuze kube ngusekugcineni.

Umshumayeli 4:4

Ngabona kutsi wonkhe umshikashika nako konkhe kuphumelela kwemuntfu kusukela ekuhawukeleni kwakhe lutfo kumakhelwane wakhe. Nako loko kulite, kufanana nekucosha umoya.

Umshumayeli 4:8

Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Umshumayeli 7:25

Ngase ngijikisela ingcondvo yami ekufunisiseni kwati nasekuphenyisiseni kuhlakanipha nekuhleleka kwetintfo, nasekucondzisiseni bulima bebubi kanye nebuhlanya bebulima.

Umshumayeli 8:9

Konkhe loku ngakubona ngisacabangisisa ngako konkhe lokwenteka lapha ngaphansi kwemtfunti welilanga. Sikhona sikhatsi lapho umuntfu usuke atihlisibete etikwalabanye kantsi utilimata yena.

1 kuThimothi 4:15

Khutsala kakhulu kuloko, khona batewubona kuchubekela kwakho embili.