Umshumayeli 1:1 - Siswati 1996 Bible

¹ Lawa ngemavi eMshumayeli, umsa waDavide, inkhosi yaseJerusalema:

Umshumayeli 1:1 Referencias Cruzadas

2 Tikhronike 9:30

Solomoni wabusela eJerusalema iminyaka lengema-40, abusa sonkhe sive sema-Israyeli.

Nehemiya 6:7

nekutsi sewubeke ngisho nebaphrofethi kutsi batewumemetela eJerusalema kutsi wena sewuyinkhosi kaJuda. Nakanjani loko kutawufika etindlebeni tenkhosi, ngako ngincoma kuwe kutsi ute sitewuhlolisana ngaloko sindzawonye.”

Tihlabelelo 40:9

Kulunga kwakho ngakushumayela kulabanyenti. Angikatibambi tindzebe tami, naloko nguwe lokwatiko, Simakadze.

Taga 1:1

Taga taSolomoni, umsa waDavide, inkhosi yema-Israyeli.

Taga 31:31

Mbonge ngako konkhe lakwenta ngetandla takhe; umdvumisele imisebenti yakhe layentile ngisho nasemkhatsini webantfu.

Umshumayeli 1:12

Mine, Mshumayeli, ngangiyinkhosi yema-Israyeli eJerusalema.

Umshumayeli 7:27

UMshumayeli utsi: “Ase ubuke naku lengikutfolile: Kuhlanganisa intfo lencane ngayinye ngayinye kulokunye, kuze ngitfole indzikimba.

Isaya 61:1

Moya weNkhosi Simakadze ukimi, ngobe Simakadze ungigcobile, kutsi ngishumayele tindzaba letimnandzi kulabamphofu. Ungitfume kutsi ngitewubopha labo labatinhlitiyo tabo tidzabukile. Ungitfume kutawumemetela kukhululwa kulabatfunjiwe, nekukhululwa kulababoshiwe.

Jona 3:2

“Hamba, uye eNineve, kulelidolobha lelikhulu, ufike umemetele lesimemetelo lengikunike sona.”

2 yaPhetro 2:5

Nkulunkulu akazange awuyekele umhlaba wakadzeni, kodvwa wamlondvolota Nowa, umshumayeli wekulunga, kanye nalabanye lababesikhombisa, ngesikhatsi aletsa zamcolo emhlabeni walababengamesabi Nkulunkulu.