Tikhulu 9:4 - Siswati 1996 Bible

⁴ Tamnika isiliva leyayingemagremu labengaba ngema-800, letatiyitsetse ethempelini laBhali Bherithi. Abimeleki walisebentisa ekucasheni tidlova letaba balandzeli bakhe.

Tikhulu 9:4 Referencias Cruzadas

2 Samuweli 6:20

Watsi Davide nasabuyele ekhaya lakhe kuyawubusisa indlu yakakhe, wahlangatjetwa nguMikhali, indvodzakati yaSawula, wafike watsi: “Inkhosi yema-Israyeli itentele ligama lelikhulu lamuhla, itivete njengalesikhulu silima emehlweni aletidzandzane tetindvuna tayo!”

2 Tikhronike 13:7

Lamanye emavukelambuso, langemadvodza lamabi, ahambisana naye amsekela avukela Rehobowamu, umsa waSolomoni, asesemncane, angakatinti, futsi naye asengakacini kutsi angemelana nabo.

Jobe 30:8

luhlobo lwebantfu lababi nalabalihlazo lelingachazeki, bacoshwa bakhishwa eveni.

Taga 12:11

Lolima umhlaba wakhe uyawuba nenala yekudla; kodvwa lolibala kulandzelana netintfo letingenamsebenti akanangcondvo.

Zefaniya 3:4

Baphrofethi balo bayatigcabha; bangemadvodza labotulujane. Baphristi balo bahlazisa indzawo lengcwele, bephule umtsetfo waNkulunkulu.

Imisebenti yebaPhostoli 17:5

Kodvwa emaJuda aba nemona ase abutsa tihlophoyi letatitizulela etitaladini atihlanganisa, atsi atisuse umsindvo tihlasele umuti waJasoni, afuna kukhipha boPawula naSilasi abaletse embikwemkhambatsi.

Tikhulu 11:3

Ngako-ke Jeftha wabaleka ekhaya kubo, abalekela bomnakabo, wayawuhlala eveni lakaThobu, lapho efika kwabutsana tonkhe tihlophoyi kuye, tamsingatsa, tamlandzela, taphuma naye.

Tikhulu 8:33

Wenelela kufa nje Gideyoni, ema-Israyeli aphindze abuyela kuboBhali, aphinga nabo ngekubakhonta. Atimisela Bhali Bherithi, atsi ngunkulunkulu wawo,

Tikhulu 9:27

Batsi kube baphume bonkhe baye emasimini abo bayewuvuna emagelebisi, babuya bawahluta, base benta lidzili ethempelini lesithico sabo. Babetsi ngesikhatsi banatsa, badla, bacalekise Abimeleki.

1 Samuweli 22:2

Kwatsi bonkhe laba bebahluphekile, nalababenetikwelede, nalababengeneliseki babutsana kuye, waba ngumholi wabo. Kwaba ngemadvodza labengaba ngema-400.