Tikhulu 9:28 - Siswati 1996 Bible

²⁸ Gali-ke, umsa wa-Ebedi, wababuta, watsi: “Ngubani Abimeleki, ngubani yena Shekhemu, kutsi tsine singabakhotsama kuye? Akasiye yini umsa waJerubhali? Yena Zebuli akasilo liphini lakhe yini? Khotsamani emadvodza akaHamori, uyise waShekhemu! Kudzingeke ngani-ke kutsi sikhonte Abimeleki?

Tikhulu 9:28 Referencias Cruzadas

Genesisi 33:19

Lendzawo lafike wamisa kuyo lithende lakhe wayitsenga emadvodzeni aHamori, uyise waShekhemu, wayikhiphela tinhlavu tesiliva letatilikhulu.

Genesisi 34:2

Shekhemu, umsa waHamori umHivi, labesikhulu saleyo ndzawo, watsi nakambona, wamtsatsa wayakumdlwengula, wamhlazisa.

Genesisi 34:6

Hamori, uyise waShekhemu, wahamba wayawukhuluma naJakobe.

2 Samuweli 20:1

Lesinye sichomoketi lesasikhona lapho bekunguSheba, umsa waBikri, wesive sakaBhenjamini. Sona-ke sesuke sashaya impalampala samemetela satsi: “Asinasabelo kuDavide! Ngeke silandzele umsa waJese! Madvodza aka-Israyeli, asambeni emakhaya!”

1 Emakhosi 12:16

Sonkhe sive sema-Israyeli satsi kube sibone kutsi inkhosi ayisilaleli sicelo saso, sakhuluma enkhosini satsi: “Sinabudlelwane buni naDavide? Sinasabelo sini nemsa waJese? Emathendeni enu, ma-Israyeli! Tibone kucedza, wena mndeni waDavide!” Ngako ema-Israyeli esuka lapho abuyela emathendeni awo.

Tikhulu 9:26

Kwabe sekufika Gali, umsa wa-Ebedi, eShekhemu, ahamba nabomnakabo, emadvodza aseShekhemu ase etsembela kuye.

Tikhulu 9:41

Abimeleki wahlala e-Aruma; Zebuli wakhipha Gali kanye nabomnakabo wabacosha eShekhemu.

1 Samuweli 25:10

Nabali waphendvula letinceku taDavide, watsi: “Ngubani yena loDavide? Ngubani yena lomsa waJese? Tigcili letinyenti tibalekela baphatsi bato kulamalanga.