Tikhulu 9:2 - Siswati 1996 Bible

² “Butani tonkhe takhamiti taseShekhemu, nitsi: ‘Ngukuphi lokuncono kini: Kutsi nibuswe ngiwo onkhe lamadvodzana aJerubhali langema-70, nome nibuswe ngumuntfu munye?’ Khumbulani kutsi mine ngiyinyama yenu nengati yenu.”

Tikhulu 9:2 Referencias Cruzadas

Genesisi 29:14

Labani watsi kuye: “Ngempela ulitsambo lami nengati yami.” Jakobe wahlala lapho inyanga yonkhe.

2 Samuweli 19:13

Khulumani ku-Amasa nitsi: ‘Awusiyo yini wena ingati yami nenyama yami? Shangatsi Nkulunkulu angangijezisa angishaye kabuhlungu, nangabe kusukela nyalo ngingakubeki kutsi ube yindvuna yemphi yami esikhundleni saJowabe.’ ”

1 Tikhronike 11:1

Tonkhe tive taka-Israyeli teta kuDavide eHebroni, tafike tatsi: “Tsine siyinyama yakho nengati yakho.

Kubase-Efesu 5:30

ngobe singemalunga emtimba wakhe.

KumaHebheru 2:14

Ngako-ke njengobe bantfwana baba bantfu, naye-ke Jesu waba ngumuntfu njengabo, kuze kutsi abhubhise Sathane labenemandla etikwekufa,

Tikhulu 8:30

Gideyoni abenemadvodzana labengema-70, labetalwa nguye, ngobe abenebafati labanyenti.

Tikhulu 9:18

Kodvwa lamuhla senivukele indlu yababe, nabulala emadvodzana akhe langema-70 niwabulalela etikwelitje linye, nabeka Abimeleki, indvodzana yentfombatana leyayisigcili sakhe, namenta inkhosi yetakhamiti taseShekhemu, ngobe angumnakenu.

Tikhulu 9:5

Wahamba waya kubo e-Ofra, wafike labanakabo lababengema-70, emadvodzana aJerubhali, wawabulalela etikwelitje linye. Kodvwa Jothamu, litfunjana laJerubhali, waphunyula ngobe wabhaca.