Tikhulu 9:15 - Siswati 1996 Bible

¹⁵ “Sihlahla semanyeva saphendvula letihlahla, satsi: ‘Nanicinisile kutsi nifuna kungibeka inkhosi etikwenu, wotani nitewukhosela emtfuntini wami; kodvwa nakungenjalo, akuphume umlilo esihlahleni semanyeva udle imisedari yaseLebanoni!’

Tikhulu 9:15 Referencias Cruzadas

2 Emakhosi 14:9

Kodvwa Jehoyashi, inkhosi yaka-Israyeli, waphendvula Amasiya, inkhosi yakaJuda, watsi: “Sihlahla sesitfwetfwe saseLebanoni satfumela umlayeto kumsedari waseLebanoni, lotsi: ‘Yendzisela umsa wami lentfombi yakakho.’ Kwase kusuka silwane sesiganga saseLebanoni seta satawugcobagcoba lesihlahla sesitfwetfwe ngetinselo taso.

Tihlabelelo 104:16

Tihlahla taSimakadze tiniselwe ngalokwenele, imisedari yaseLebanoni layihlanyelile,

Tihlabelelo 29:5

Liphimbo laSimakadze lifohlota tihlahla temisedari, Simakadze ufohlota imisedari yaseLebanoni.

Isaya 1:31

Emadvodza lanemandla ayawuba timbhaca, umsebenti wawo ufanane nenhlase: kokubili kuyawusha ndzawonye, kubete longawucisha lowo mlilo.”

Isaya 2:13

lilanga lelibekelwe yonkhe imisedari yaseLebanoni, lephakeme naletiphakamisako, futsi libekelwe onkhe ema-okhi aseBhashani;

Isaya 30:2

labo labehlela entasi eGibhithe babe bangakaceli kimi, labafunana nelusito kuFaro kutsi abavikele, nesitfunti saseGibhithe sekuphephela.

Isaya 37:24

Ngetigijimi takho umpongise tindvundvuma tetinhlamba kuSimakadze, futsi watsi: ‘Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Hezekeli 19:14

Umlilo wabhebheteleka kulelinye lemagala aso lamakhulu wadla titselo taso. Kute nalinye ligala lelicinile lelisasele kuso lelilungele kutsi libe yindvuku yebukhosi.’ “Lesi-ke sililo, lesaba sililo lesisetjentiswa njalo nje.”

Hezekeli 31:3

Cabanga nge-Asiriya, leyake yaba ngumsedari waseLebanoni, lewawunemagala lamahle wengamele lihlatsi; waphakamela etulu kakhulu, sihloko sawo sasingetulu kwemacembe lahlangene.

Danyela 4:12

Emacembe aso abemahle netitselo taso titinyenti, lapha kuso bekunekudla kwabo bonkhe. Ngaphansi kwaso tilwane tesiganga tatfola umtfunti wekuphumula, netinyoni tasemoyeni takhela tidleke tato emagaleni aso; tonkhe tidalwa tondliwa kuso.

Hoseya 14:7

Bantfu bayawuphindze bahlale emtfuntini wakhe. Bayawuhluma njengetinhlavu. Bayawuchakaza njengesihlahla semvini, neludvumo lwabo luyawufanana neliwayini laseLebanoni.

Numeri 21:28

“KuleHeshboni kwase kuphuma umlilo, lilangabi lelidolobha laSihoni. Lashisa i-Ari yakaMowabi, takhamiti tasetintsabeni, e-Anoni.

Matewu 13:32

Yona yincane kakhulu, kepha naseyikhulile iba yinkhulu kunato tonkhe tihlahla, kudzimate kufike netinyoni temoya, takhele tidleke tato emagaleni aso.”

Tikhulu 9:14

“Ekugcineni tonkhe tihlahla takhuluma esihlahleni semanyeva, tatsi: ‘Kota, utewuba yinkhosi yetfu.’

Tikhulu 9:16

“Kungabe-ke benikwenta kahle nangeliciniso sibili yini lokubeka lo-Abimeleki kutsi abe yinkhosi yenu? Bekungukona kumfanele yini Jerubhali ngaloko lenikwentile emndenini wakhe? Tifanelwe nguloko yini tonkhe letintfo latenta Jerubhali kini?

Tikhulu 9:20

Kodvwa nakungenjalo, akuphume umlilo ku-Abimeleki unidle, nine takhamiti taseShekhemu netaseBhethi Milo; akuphume umlilo nakini, nine takhamiti taseShekhemu netaseBhethi Milo, udle Abimeleki!”

Tikhulu 9:44

Abimeleki nalamabutfo akhe bagijima bayakuma ekungeneni kwelisango lelidolobha. Kwatsi emacembu lamabili esukela laba lababesemasimini, bacotfula imbokodvo nesisekelo.

Tikhulu 9:49

Ngako yonkhe indvodza yagawula akayo emagala, yawetjatsa, yalandzela Abimeleki. Bafika bawambombela emnyango walengungu, base balumeka umlilo kulawo mahlahla labesemnyango. Bantfu bafutsetelana ekhatsi kulengungu yembhoshongo waseShekhemu basha bangcongca: emadvodza, nebafati lababeyinkhulungwane sebabonkhe.