Tikhulu 8:33 - Siswati 1996 Bible

³³ Wenelela kufa nje Gideyoni, ema-Israyeli aphindze abuyela kuboBhali, aphinga nabo ngekubakhonta. Atimisela Bhali Bherithi, atsi ngunkulunkulu wawo,

Tikhulu 8:33 Referencias Cruzadas

2 Emakhosi 12:2

Jowashi wenta lokuhle emehlweni aSimakadze ngaso sonkhe sikhatsi abelulekwa ngumphristi Jehoyada.

Jeremiya 23:27

Bacabanga kutsi lamaphupho labatjelana wona atakwenta labantfu bami balikhohlwe Libito lami, njengobe naboyise balikhohlwa Libito lami ngekukhonta Bhali.

Jeremiya 3:9

Njengobe bugwadla ba-Israyeli abusho lutfo kuye, walingcolisa live, waphinga netithico letingematje naletitigodvo.

Joshuwa 24:31

Baka-Israyeli bakhonta Simakadze kuso sonkhe sikhatsi sekuphila kwaJoshuwa kanye nebaholi labasala emvakwakhe labakubona konkhe loko Simakadze lakwentela sive sema-Israyeli.

Tikhulu 10:6

Baka-Israyeli baphindza benta lokubi emehlweni aSimakadze. Bakhonta boBhali, nabo-Ashtarothe, nabonkulunkulu base-Aramu, nabonkulunkulu baseSidoni, nabonkulunkulu baseMowabi, nabonkulunkulu bema-Amoni, nabonkulunkulu bemaFilisti. Baka-Israyeli bafulatsela Simakadze, bamyekela, bangabe basamkhonta,

Tikhulu 2:12

Bafulatsela Simakadze, Nkulunkulu waboyise, lowabakhipha eGibhithe. Balandzela bakhonta labanye bonkulunkulu labehlukene baleto tive labebahlala emkhatsini wato. Batfukutselisa Simakadze,

Tikhulu 2:17

Noko baka-Israyeli abazange batilalele tikhulu tabo, bachubeka baphinga nalabanye bonkulunkulu, bakhonta bona. Abazange babalingise boyise, bona bajika masinyane endleleni lababehamba ngayo boyise, indlela yekulalela imiyalo yaSimakadze.

Tikhulu 2:19

Kodvwa kwakutsi nje sikhulu singafa, bantfu babuyele etindleleni tabo letimbi kakhulu kunetaboyise, balandzele labanye bonkulunkulu, babakhonte, bakhotsame kubo. Bala kwehlukana netindlela tabo letimbi, nemikhuba yabo, nenkhani yabo.

Tikhulu 3:7

Ema-Israyeli enta lokubi embikwaSimakadze; akhohlwa Simakadze Nkulunkulu wawo, akhonta boBhali nabo-Ashera.

Tikhulu 8:27

Gideyoni wenta sidziya segolide, wasibeka edolobheni lakubo i-Ofra. Onkhe ema-Israyeli eta aphinga ngekukhonta sona; loko kwaba lugibe kuGideyoni kanye nemndeni wakhe.

Tikhulu 8:32

Gideyoni, umsa waJowashi, wafa asakhulile kakhulu ngeminyaka. Wangcwatjwa ethuneni leyise, Jowashi, lelalise-Ofra, kulema-Abiyezeri.

Tikhulu 9:27

Batsi kube baphume bonkhe baye emasimini abo bayewuvuna emagelebisi, babuya bawahluta, base benta lidzili ethempelini lesithico sabo. Babetsi ngesikhatsi banatsa, badla, bacalekise Abimeleki.

Tikhulu 9:4

Tamnika isiliva leyayingemagremu labengaba ngema-800, letatiyitsetse ethempelini laBhali Bherithi. Abimeleki walisebentisa ekucasheni tidlova letaba balandzeli bakhe.

Tikhulu 9:46

Tatsi kube tikuve loko takhamiti tembhoshongo waseShekhemu, tabaleka tawolekela engungwini yelithempeli la-Eli Bherithi.